Turǵyn úi qurylys jinaqtary júiesi arqyly kredittik baspana salý úshinshi baǵytta kózdelgen. Halyqtyń áleýmettik álsiz toptary úshin jalǵa beriletin turǵyn úi qurylysy tórtinshi baǵytta. Al, baǵdarlamadaǵy besinshi baǵyty - jeke turǵyn úi qurylysyn damytý. Bul baǵyttyń sheńberinde kóptegen ozyq álemdik qalalardyń úlgisinde biryńǵai sáýlettik stilde jeke turǵyn úiler salýǵa basymdyq beriledi.
Sondai-aq, ótken jyly oblysta 242 turǵyn úidiń qurylysy júrgizilip,131 turǵyn úi paidalanýǵa berilgen. Qalǵan 111 turǵyn úi qurylysy 2017 jylǵa ótpeli bolǵan.
Májiliste sóz alǵan Shymkent qalasynyń ákimi Ǵabidolla Ábdirahymov Shymkent qalasynyń ózinde 30 myńnan astam adam turǵyn úi kezeginde turǵandyǵyn olardy qamtý merzimi áli naqtylanbaǵanyn alǵa tartty.
«Ońtústik ÁKK» arqyly investorlar tartý kerek. Bos paidalanbai jatqan jerler kóp. Jer ieleri kópqabatty turǵyn úi salýy kerek shamasy jetpese jerdi memleketke qaitarýy tiis» – dedi qala basshysy.
Baiandamashylardyń esebin tyńdaǵan oblys ákimi qurylys salasyndaǵy atqarylyp jatqan is-sharalarǵa kóńili tolmaitynyn jetkizip, atalǵan sala basshylaryn synǵa aldy. ekendigin aitqan aimaq basshysy úi turǵyzǵanda ońtústiktiń aýa raiy da nazardan tys qalmaýyn eskertti.
«Turǵyn úi qurylysyna jeke investorlar tartýdy qolǵa alyp, kópqabatty baspanalardyń qataryn kóbeitýimiz qajet. Qam kesekten jer úi salýdy toqtatyp, seismikalyq talaptarǵa sai etken abzal. Sáýlet , qurylys, memlekettik sáýlet baqylaý basqarmalary birlesip, turǵyn úi qurylysyn damytýdyń jańa keshendi baǵdarlamasyn ázirleýi tiis. Bul iske aýdan, qala basshylary da atsalysýy kerek. Eger dəl qazirgi qalpymen kete berse, 117 myń gektardy alyp jatqan Shymkent úlken aýylǵa ainalyp ketedi. Qalanyń sáýletti kelbetin qalypqa keltirý úshin birlesip jumys atqarýdy tapsyramyn», – dedi Janseiit Qanseiituly.
Aita keteiik, infraqurylym nysandarynyń qurylysy boiynsha Respýblikalyq biýdjetten 7,8 mlrd. tenge bólindi. Atalǵan qarjyǵa oblysta 14 nysannyń qurylys jumystary júrgiziledi. Aǵymdaǵy jyly 3 nysandy paidalanýǵa tapsyrý josparlansa 11 nysannyń qurylysy kelesi jylǵa ótpeli. Jyl qortyndysy boiynsha 6119 jeke turǵyn úilerge jáne 384 kóp qabatty turǵyn úige infraqurylym júieleriniń qurylysy júrgiziledi.
OQO ákiminiń baspasóz qyzmeti
