Qazaqstanǵa Reseiden karantindik ziiankespen zalaldanǵan kúnbaǵys tuqymyn ákelý faktisi anyqtaldy, dep habarlaidy dalanews.kz.
Aýyl sharýashylyǵy salasyndaǵy memlekettik inspektsiia málimetinshe, Aqmola oblysy Aqkól aýdanynyń aýmaǵynda tekserý barysynda qaýipti ónimniń zańsyz ákelingeni belgili bolǵan.
«Aqkól aýdandyq aýmaqtyq inspektsiiasynyń ósimdikterdi qorǵaý jáne karantin jónindegi memlekettik inspektory tekserý kezinde karantindik ónimniń zalaldanǵan kúide ákelingenin anyqtady. Resei Federatsiiasynan, naqtyraq aitqanda Krasnodar qalasynan 0,019 tonna kúnbaǵys tuqymy ákelingen, olar kúnbaǵystyń fomopsis aýrýymen zalaldanǵan», – delingen habarlamada.
Atalǵan derek boiynsha ónim iesine qatysty ákimshilik is qozǵalyp, materialdar sotqa joldandy.
Mamandardyń aitýynsha, fomopsis – aýyl sharýashylyǵy daqyldaryna eleýli ziian keltiretin qaýipti karantindik aýrý. Sondyqtan mundai ónimderdiń el aýmaǵyna enýi qatań baqylaýda bolady.
