قازاقستانعا رەسەيدەن كارانتيندٸك زييانكەسپەن زالالدانعان كٷنباعىس تۇقىمىن ەكەلۋ فاكتٸسٸ انىقتالدى, دەپ حابارلايدى dalanews.kz.
اۋىل شارۋاشىلىعى سالاسىنداعى مەملەكەتتٸك ينسپەكتسييا مەلٸمەتٸنشە, اقمولا وبلىسى اقكٶل اۋدانىنىڭ اۋماعىندا تەكسەرۋ بارىسىندا قاۋٸپتٸ ٶنٸمنٸڭ زاڭسىز ەكەلٸنگەنٸ بەلگٸلٸ بولعان.
«اقكٶل اۋداندىق اۋماقتىق ينسپەكتسيياسىنىڭ ٶسٸمدٸكتەردٸ قورعاۋ جەنە كارانتين جٶنٸندەگٸ مەملەكەتتٸك ينسپەكتورى تەكسەرۋ كەزٸندە كارانتيندٸك ٶنٸمنٸڭ زالالدانعان كٷيدە ەكەلٸنگەنٸن انىقتادى. رەسەي فەدەراتسيياسىنان, ناقتىراق ايتقاندا كراسنودار قالاسىنان 0,019 توننا كٷنباعىس تۇقىمى ەكەلٸنگەن, ولار كٷنباعىستىڭ فوموپسيس اۋرۋىمەن زالالدانعان», – دەلٸنگەن حابارلامادا.
اتالعان دەرەك بويىنشا ٶنٸم يەسٸنە قاتىستى ەكٸمشٸلٸك ٸس قوزعالىپ, ماتەريالدار سوتقا جولداندى.
مامانداردىڭ ايتۋىنشا, فوموپسيس – اۋىل شارۋاشىلىعى داقىلدارىنا ەلەۋلٸ زييان كەلتٸرەتٸن قاۋٸپتٸ كارانتيندٸك اۋرۋ. سوندىقتان مۇنداي ٶنٸمدەردٸڭ ەل اۋماعىنا ەنۋٸ قاتاڭ باقىلاۋدا بولادى.
