Qazaqstanda turǵyn úi naryǵynda jii qoldanylatyn “ekonom”, “biznes”, “premiým” siiaqty sanattar zańda naqty bekitilmegen. Bul týraly zańger Talǵat Áliev aitty, dep habarlaidy Dalanews.kz.
Onyń aitýynsha, páter satyp alýshylar kóbine qurylys kompaniialary usynǵan ataýlarǵa senip, naqty normativterge nazar aýdarmaidy.
«Siz páter satyp alǵanda qandai sanattaǵy úi aldyńyz? Satý bólimi sizge qandai páter satty, ekonom ba, premiým ba, biznes pa? Bilesiz ba, ekonom, premiým nemese basqada sanattaǵy úiler zańdarda joq ekenin?» - deidi zańger.
Álievtiń sózinshe, turǵyn úilerdiń naqty jiktelýi Qazaqstan Respýblikasynyń sáýlet, qala qurylysy jáne qurylys salasyndaǵy memlekettik normativterinde kórsetilgen.
«Sáýlet, qala qurylysy jáne qurylys salasyndaǵy memlekettik normativter QAZAQSTAN RESPÝBLIKASYNYŃ EREJELER JINAǴYNDA (QR EJ 3.02-101-2012) tórt klassqa bólgen. I klass - ár páterge 2 parking, II klass - 1 parking, III klass - 100 m²-ge 1 oryn, IV klass - minimým», - dep naqtylaidy ol.
Zańger óz úiiniń naqty qai klasqa jatatynyn qarapaiym esep arqyly anyqtaýǵa bolatynyn aitady.
«Al endi eseptep kórińiz, sizdiń úiińizde qanshama páter bar, jáne parkingte qanshama oryn bar ekenin. Osy esep arqyly sizdiń úiińiz qai klasstaǵy úi bolyp esepteledi», - deidi ol.
Sonymen qatar, Áliev munyń tek formaldy talap emes, turǵyndardyń qaýipsizdigine tikelei áser etetinin atap ótedi.
«Ne úshán bul mańyzdy? Eger kólikter aýlada emes, turaqta bolsa, órt sóndirý kóligi shuǵyl jaǵdaida der kezinde jetedi. Tótenshe jaǵdaiyn ýshyǵýyna jol bermeidi. Demek bul sizdiń qaýypsizdigińiz», - dep túsindiredi zańger.
Ol memlekettik organdardyń osy talaptardy nege jetkilikti deńgeide baqylamai otyrǵanyna da nazar aýdarady.
«Osyny normativty nelikten memleket mekemeler qadaǵalamaidy? Qurylys kompaniialary aldaýǵa nege jol beriledi?» - deidi ol.
Sóz sońynda zańger azamattardy normativtik qujattardy ózderi qarap shyǵýǵa shaqyrdy.
«Myna aityp otyrǵan erejeler jinaǵyn durystap oqyp shyqsańyz, biraz paidaly aqparat alasyz da, bireýge jem bolmaisyz», - dep qorytyndylady ol.
