ءبىرىنشى باعىت – يپوتەكالىق نەسيە بەرۋدىڭ قولجەتىمدىلىگىن ارتتىرۋ بولسا، كەلەسى باعىتى – جەكە قۇرىلىس سالۋشىلاردى ىنتالاندىرۋ. مۇندا جەكە قۇرىلىس سالۋشىلاردى ىنتالاندىرۋ ماقساتىندا ەكىنشى دەڭگەيدەگى بانكتەرگە نەسيە بەرۋ كولەمدەرىن كەڭەيتۋ ارقىلى قۇرىلىس كومپانيالارىن قارجى رەسۋرستارىمەن قامتاماسىز ەتۋ نەگىزگە الىنعان.
تۇرعىن ءۇي قۇرىلىس جيناقتارى جۇيەسى ارقىلى كرەديتتىك باسپانا سالۋ ءۇشىنشى باعىتتا كوزدەلگەن. حالىقتىڭ الەۋمەتتىك ءالسىز توپتارى ءۇشىن جالعا بەرىلەتىن تۇرعىن ءۇي قۇرىلىسى ءتورتىنشى باعىتتا. ال، باعدارلاماداعى بەسىنشى باعىتى - جەكە تۇرعىن ءۇي قۇرىلىسىن دامىتۋ. بۇل باعىتتىڭ شەڭبەرىندە كوپتەگەن وزىق الەمدىك قالالاردىڭ ۇلگىسىندە ءبىرىڭعاي ساۋلەتتىك ستيلدە جەكە تۇرعىن ۇيلەر سالۋعا باسىمدىق بەرىلەدى.
سونداي-اق، وتكەن جىلى وبلىستا 242 تۇرعىن ءۇيدىڭ قۇرىلىسى جۇرگىزىلىپ،131 تۇرعىن ءۇي پايدالانۋعا بەرىلگەن. قالعان 111 تۇرعىن ءۇي قۇرىلىسى 2017 جىلعا وتپەلى بولعان.
ماجىلىستە ءسوز العان شىمكەنت قالاسىنىڭ اكىمى عابيدوللا ءابدىراحىموۆ شىمكەنت قالاسىنىڭ وزىندە 30 مىڭنان استام ادام تۇرعىن ءۇي كەزەگىندە تۇرعاندىعىن ولاردى قامتۋ مەرزىمى ءالى ناقتىلانباعانىن العا تارتتى.
«وڭتۇستىك اكك» ارقىلى ينۆەستورلار تارتۋ كەرەك. بوس پايدالانباي جاتقان جەرلەر كوپ. جەر يەلەرى كوپقاباتتى تۇرعىن ءۇي سالۋى كەرەك شاماسى جەتپەسە جەردى مەملەكەتكە قايتارۋى ءتيىس» – دەدى قالا باسشىسى.
بايانداماشىلاردىڭ ەسەبىن تىڭداعان وبلىس اكىمى قۇرىلىس سالاسىنداعى اتقارىلىپ جاتقان ءىس-شارالارعا كوڭىلى تولمايتىنىن جەتكىزىپ، اتالعان سالا باسشىلارىن سىنعا الدى. ەكەندىگىن ايتقان ايماق باسشىسى ءۇي تۇرعىزعاندا وڭتۇستىكتىڭ اۋا رايى دا نازاردان تىس قالماۋىن ەسكەرتتى.
«تۇرعىن ءۇي قۇرىلىسىنا جەكە ينۆەستورلار تارتۋدى قولعا الىپ، كوپقاباتتى باسپانالاردىڭ قاتارىن كوبەيتۋىمىز قاجەت. قام كەسەكتەن جەر ءۇي سالۋدى توقتاتىپ، سەيسميكالىق تالاپتارعا ساي ەتكەن ابزال. ساۋلەت ، قۇرىلىس، مەملەكەتتىك ساۋلەت باقىلاۋ باسقارمالارى بىرلەسىپ، تۇرعىن ءۇي قۇرىلىسىن دامىتۋدىڭ جاڭا كەشەندى باعدارلاماسىن ازىرلەۋى ءتيىس. بۇل ىسكە اۋدان، قالا باسشىلارى دا اتسالىسۋى كەرەك. ەگەر ءدال قازىرگى قالپىمەن كەتە بەرسە، 117 مىڭ گەكتاردى الىپ جاتقان شىمكەنت ۇلكەن اۋىلعا اينالىپ كەتەدى. قالانىڭ ساۋلەتتى كەلبەتىن قالىپقا كەلتىرۋ ءۇشىن بىرلەسىپ جۇمىس اتقارۋدى تاپسىرامىن»، – دەدى جانسەيىت قانسەيىت ۇلى.
ايتا كەتەيىك، ينفراقۇرىلىم نىساندارىنىڭ قۇرىلىسى بويىنشا رەسپۋبليكالىق بيۋدجەتتەن 7،8 ملرد. تەنگە ءبولىندى. اتالعان قارجىعا وبلىستا 14 نىساننىڭ قۇرىلىس جۇمىستارى جۇرگىزىلەدى. اعىمداعى جىلى 3 نىساندى پايدالانۋعا تاپسىرۋ جوسپارلانسا 11 نىساننىڭ قۇرىلىسى كەلەسى جىلعا وتپەلى. جىل قورتىندىسى بويىنشا 6119 جەكە تۇرعىن ۇيلەرگە جانە 384 كوپ قاباتتى تۇرعىن ۇيگە ينفراقۇرىلىم جۇيەلەرىنىڭ قۇرىلىسى جۇرگىزىلەدى.
وقو اكىمىنىڭ باسپا ءسوز قىزمەتى
