"Qazaqmys korporatsiiasy" JShS-da "toqtatý jinalysy" (Safety Stand Down) tsikli bastaldy – bul jaraqattanýdy nóldik deńgeige jetkizýge baǵyttalǵan basshylyq pen personal arasyndaǵy ózara is-qimyldyń jańa formaty. Alǵashqy ashyq dialog úlgisindegi kezdesý Nurqazǵan kenishinde, Balqash mys balqytý zaýytynda, «Balqash Taý-Ken Óndirisi» kásiporyndarynda (qaldyq úiindisi jáne qurylys-montajdaý basqarmasy) jáne Qazaqmys Barlaý bólimshelerinde ótti, , dep habarlaidy dalanews.kz.
«Toqtatý jinalysynyń» máni men maqsaty – basshylyqtyń bastamasymen óndiristik úderiste sanaly túrde jasalatyn qysqa úzilis. Osyndai kezdesý barysynda jumys ýaqytsha toqtatylyp, qyzmetker nazaryn óndiristik mindetten bólek, eń mańyzdy maqsat – ómir men densaýlyqty qorǵaýǵa aýdarady.
Tájiribe kórsetip otyrǵandai, aýyr jazataiym oqiǵalardyń basym bóligi nusqaýlyqtyń bolmaýynan emes, asyǵystyqtan, qalyptasqan ádetten jáne jumysty toqtatý qajet bolǵan sátte únsiz qalýdan týyndaidy.
Jumys ýaqytyndaǵy qysqa, biraq mándi úzilis «áreketsizdik tizbegin» úzýge múmkindik beredi: usaq qatelik pen táýekelge nazar aýdarý aýyr saldarǵa ákelýi múmkin jaǵdaidyń aldyn alady. Sonymen qatar ol qyzmetkerlerdiń bir-birin estýine jaǵdai jasap, sapaly dialogqa negiz bolady. Bul óz kezeginde jazataiym oqiǵalardyń sanyn azaityp, basymdyqty durys qalyptastyrady jáne eshbir óndiristik jospar men kórsetkish adam ómirinen mańyzdy emes ekenin eske salady.
Jinalys aiasynda jumyskerlerge kez kelgen qaýipti jumysty toqtatýǵa olardyń quqyǵy bar ekeni jáne bul olardyń mindeti ekeni jetkiziledi. Korporatsiia basshylyǵy resmi túrde rastaidy: jumysty naqty negizdemesi bar jaǵdaiǵa sáikes toqtatqan qyzmetkerge eshqandai jaza qoldanylmaidy; kerisinshe, mundai áreket kásibi jaýapkershiliktiń kórinisi dep tanylady.
«Ómir men densaýlyqqa qaýip tóngen jaǵdaida jumys isteýge jol berilmeidi. Óndiristik jospar tek qaýipsizdik talaby qatań saqtalǵan kezde ǵana júzege asyrylýy tiis», – dep atap ótti «Qazaqmys korporatsiiasy» JShS Basqarma tóraǵasy Rýslan Óskenáli.
«Toqtatý jinalysy» – «Qazaqmys» Tobynyń 2026-2028 jyldarǵa arnalǵan ónerkásiptik qaýipsizdikti transformatsiialaý strategiiasynyń bir bóligi. 2026 jyl kompaniiada Qaýipsizdik jyly dep jariialandy, osy kezeńde basqarý tásili oqiǵanyń saldaryn joiýǵa emes, aldyn alýǵa baǵyttalady.
Aldaǵy ýaqytta «toqtatý jinalysy» «Qazaqmys» Tobynyń barlyq óndiristik alańdaryna engiziledi. Mundai kezdesý turaqty túrde ótkizilip, táýekeldi basqarý júiesiniń jáne árbir qyzmetker tek óz qaýipsizdigi úshin ǵana emes, áriptesiniń ómiri úshin de jeke jaýapkershilik alatyn mádeniet qalyptastyrýdyń bir bóligine ainalady.
