Sot eks-prezıdent Iýndy búlik uıymdastyrǵany úshin kináli dep tanydy, dep habarlaıdy Dalanews.kz.

Beısenbi kúni sot burynǵy prezıdent Iýn Sok Óldi 2024 jyly áskerı jaǵdaı engizýge sátsiz áreket jasaý arqyly búlik uıymdastyrdy dep tanydy.

Yonhap agenttiginiń jazýynsha, Seýldiń ortalyq aýdandyq soty is boıynsha alǵashqy sheshimdi shyǵaryp, Iýnnyń áskerı jaǵdaı jarıalanǵannan keıin parlament aýmaǵyna ásker jiberý arqyly Ulttyq assambleıa jumysyna kedergi keltirýdi kózdegenin málimdedi.

Sottyń paıymdaýynsha, eks-prezıdenttiń maqsaty zań shyǵarýshy organnyń qyzmetin sal qylyp, memlekettik bılikke yqpal etý bolǵan.

Endi sot arnaıy prokýrorlar ólim jazasyn qoldaný jóninde usynys bergennen keıin Iýn Sok Ólge qatysty naqty úkim shyǵarady.

Eske salaıyq, buǵan deıin Ońtústik Koreıanyń eks-prezıdenti Iýn Sok Ólge qatysty alǵashqy sot úkimi shyqty. Ol áskerı jaǵdaı engizýge árekettengeni úshin kináli dep tanylyp, bes jylǵa bas bostandyǵynan aıyryldy.