سوت ەكس-پرەزيدەنت يۋندى بۇلىك ۇيىمداستىرعانى ءۇشىن كىنالى دەپ تانىدى، دەپ حابارلايدى Dalanews.kz.
بەيسەنبى كۇنى سوت بۇرىنعى پرەزيدەنت يۋن سوك ءولءدى 2024 جىلى اسكەري جاعداي ەنگىزۋگە ءساتسىز ارەكەت جاساۋ ارقىلى بۇلىك ۇيىمداستىردى دەپ تانىدى.
Yonhap اگەنتتىگىنىڭ جازۋىنشا، سەۋلدىڭ ورتالىق اۋداندىق سوتى ءىس بويىنشا العاشقى شەشىمدى شىعارىپ، يۋننىڭ اسكەري جاعداي جاريالانعاننان كەيىن پارلامەنت اۋماعىنا اسكەر جىبەرۋ ارقىلى ۇلتتىق اسسامبلەيا جۇمىسىنا كەدەرگى كەلتىرۋدى كوزدەگەنىن مالىمدەدى.
سوتتىڭ پايىمداۋىنشا، ەكس-پرەزيدەنتتىڭ ماقساتى زاڭ شىعارۋشى ورگاننىڭ قىزمەتىن سال قىلىپ، مەملەكەتتىك بيلىككە ىقپال ەتۋ بولعان.
ەندى سوت ارنايى پروكۋرورلار ءولىم جازاسىن قولدانۋ جونىندە ۇسىنىس بەرگەننەن كەيىن يۋن سوك ولگە قاتىستى ناقتى ۇكىم شىعارادى.
ەسكە سالايىق، بۇعان دەيىن وڭتۇستىك كورەيانىڭ ەكس-پرەزيدەنتى يۋن سوك ولگە قاتىستى العاشقى سوت ۇكىمى شىقتى. ول اسكەري جاعداي ەنگىزۋگە ارەكەتتەنگەنى ءۇشىن كىنالى دەپ تانىلىپ، بەس جىلعا باس بوستاندىعىنان ايىرىلدى.
