Ońtústik Koreia ishki týrizmdi damytýǵa baǵyttalǵan jańa baǵdarlamany iske qosty. Endi el turǵyndary men týrister halyq sirek qonystanǵan óńirlerge saiahattasa, jol júrý, qonaqúi jáne oiyn-saýyq shyǵyndaryna túrli jeńildikter men bonýstar ala alady, dep habarlaidy dalanews.kz.
Baǵdarlama ne úshin iske qosyldy?
Koreia týrizm uiymy (KTU) men Mádeniet ministrligi qazan-qarasha ailarynda ótetin «2026 jylǵy kúzgi saiahat aiy» naýqanyn jariialady. Baǵdarlama «Tereń kúz, jeńil saiahat» uranymen uiymdastyrylyp otyr. Jobanyń negizgi maqsaty – týristerdi iri qalalardan bólek, halyq sany az 89 qala men aimaqqa tartý, jergilikti biznesti qoldaý jáne el ishinde saiahattaýdy qoljetimdi etý.
Qandai jeńildikter qarastyrylǵan?
- Kólikke jeńildikter
- TMAP navigatoryn paidalanatyn júrgizýshiler saparlary úshin 30 myń ballǵa deiin bonýs ala alady.
Al atalǵan óńirlerge poiyzben baratyn jolaýshylarǵa tegin biletter men Railro Pass jol júrý kartasyna 20 myń vonǵa deiin (shamamen 6,4 myń teńge) jeńildik usynylady.
Áýe biletteri
Naver Flight platformasy arqyly bilet satyp alǵandar 10 myń Naver Pay balyna deiin ielene alady. Chedjý aralyna ushatyndar úshin qosymsha 5 myń ballǵa deiin bonýs qarastyrylǵan.
Qonaqúi men kemping
22 qyrkúiekten bastap onlain týristik platformalar arqyly shamamen 80 myń jeńildik kýpony taratylady. Shaǵyn qalalardaǵy qonaqúilerge beriletin eń joǵary jeńildik kólemi 70 myń vonǵa deiin (shamamen 22,4 myń teńge) jetedi. Sondai-aq araldarǵa saiahattaityndar úshin 50 myń vonǵa deiingi vaýcherler (16 myń teńge shamasynda) usynylady.
Tabiǵat aiasynda demalýdy unatatyndar CampingTalk jáne Camfit servisteri arqyly kemping brondaǵanda 10 myń vondyq kýpon (shamamen 3,2 myń teńge) alady.
Shyǵynnyń jartysy qaitarylady
Baǵdarlama aiasyndaǵy arnaiy óńirlik joba boiynsha týristerge jumsaǵan qarajatynyń 50 paiyzy sertifikat túrinde qaitarylady. Qarapaiym týrister úshin ótemaqynyń eń joǵary mólsheri 100 myń vonǵa deiin (shamamen 32 myń teńge), al jastar úshin 140 myń vonǵa deiin (44,8 myń teńge shamasynda) belgilengen.
