Aita keterligi, turaqtandyrý qorynda kókónister sáýir aiynyń ortasyna deiin saqtalady. Jazǵy eginniń kelýine deiin jyl saiyn naryqta kókónisterdiń jetispeýshiligi jáne baǵanyń ósýi baiqalady. Qazirgi ýaqytta oblystyń turaqtandyrý qorynyń dúkenderindegi qalǵan taýar kólemi 4 884,3 tonnany quraidy.
Al taýarlardyń satylý baǵasyna kelsek, kartoptyń 1 kelisi - 85 teńgeden, piiaz – 50 teńge, sábiz – 80 teńge, kúrish – 180 teńge, siyr eti – 1390 teńge, qumsheker baǵasy 215 teńgeden satylýda. Osylaisha turaqtandyrý qory naryqtaǵy baǵadan tómen etip, halyqqa taýar usynyp keledi. Taýarlar «Firkan» saýda jelisi, «Jibek joly», «Aina», «Alash», «Qyrǵy bazar», «Samal», «Qazybek», «Avto-Nur», «Barys», IP «Jaqsylyq» bazarlary men Shymkent qalasyndaǵy jármeńkeler arqyly satylýda.
Qazirgi ýaqytta oblysta áleýmettik mańyzy bar azyq-túlik taýarlarynyń baǵasynyń kúrt ósýi baiqalmaidy.
OQO ákiminiń baspasóz qyzmeti
