قوردىڭ بيىلعى جۇمىسىمەن تانىسۋ ءۇشىن «شىمكەنت» الەۋمەتتىك-كاسىپكەرلىك كورپوراسياسى» ۇلتتىق كومپانياسى» اق ەنشىلەس ۇيىمىنىڭ «ازىق-تۇلىك كومپانياسى» ج ش س ازىق-تۇلىك تۇراقتاندىرۋ قورىنىڭ ساۋدا نۇكتەلەرىنە وبلىس اكىمىنىڭ باسپا ءسوز قىزمەتى ب ا ق وكىلدەرىنە ارناپ باسپا ءسوز تۋرىن ۇيىمداستىردى.
ايتا كەتەرلىگى، تۇراقتاندىرۋ قورىندا كوكونىستەر ءساۋىر ايىنىڭ ورتاسىنا دەيىن ساقتالادى. جازعى ەگىننىڭ كەلۋىنە دەيىن جىل سايىن نارىقتا كوكونىستەردىڭ جەتىسپەۋشىلىگى جانە باعانىڭ ءوسۋى بايقالادى. قازىرگى ۋاقىتتا وبلىستىڭ تۇراقتاندىرۋ قورىنىڭ دۇكەندەرىندەگى قالعان تاۋار كولەمى 4 884،3 توننانى قۇرايدى.
ال تاۋارلاردىڭ ساتىلۋ باعاسىنا كەلسەك، كارتوپتىڭ 1 كەلىسى - 85 تەڭگەدەن، پياز – 50 تەڭگە، ءسابىز – 80 تەڭگە، كۇرىش – 180 تەڭگە، سيىر ەتى – 1390 تەڭگە، قۇمشەكەر باعاسى 215 تەڭگەدەن ساتىلۋدا. وسىلايشا تۇراقتاندىرۋ قورى نارىقتاعى باعادان تومەن ەتىپ، حالىققا تاۋار ۇسىنىپ كەلەدى. تاۋارلار «فيركان» ساۋدا جەلىسى، «جىبەك جولى»، «اينا»، «الاش»، «قىرعى بازار»، «سامال»، «قازىبەك»، «اۆتو-نۇر»، «بارىس»، يپ «جاقسىلىق» بازارلارى مەن شىمكەنت قالاسىنداعى جارمەڭكەلەر ارقىلى ساتىلۋدا.
قازىرگى ۋاقىتتا وبلىستا الەۋمەتتىك ماڭىزى بار ازىق-تۇلىك تاۋارلارىنىڭ باعاسىنىڭ كۇرت ءوسۋى بايقالمايدى.
وقو اكىمىنىڭ باسپا ءسوز قىزمەتى
