"Teńizshevroil (TShO) konsortsiýmy men Qazaqstan biligi arasynda jasalǵan kelisim sharttary ádiletti". Bul týraly TShO-nyń bas direktory Kevin Laion málimdedi, dep jazady Dalanews.kz "Interfaks-Qazaqstan" agenttigine silteme jasap.
"Men, TShO-nyń bas direktory retinde, arada jasalǵan kelisim sharttaryn jergilikti naryq pen aimaq úshin ádil dep sanaimyn. Degenmen túpkilikti sheshimdi aktsionerler qabyldaidy. Biz tek salyq tólep qana qoimaimyz, áleýmettik nysandarǵa da tólemder jasaimyz. Bizdiń kelisim men onyń sharttary investorlar úshin de, Qazaqstan halqy úshin de tiimdi dep esepteimin", – dedi ol Májilistiń ekologiia jáne tabiǵat paidalaný komitetindegi otyrysta.
Kevin Laionnyń aitýynsha, Qazaqstan óz jumysyn "qaýipsiz" oryndaityn, elge investitsiia ǵana emes, sonymen qatar "qundylyq" ta ákelýshi dúniejúzilik konsortsiýmmen jumys isteýde halyqaralyq tájiribe jinaqtaidy.
Sońǵy ýaqytta el biligi iri jer qoinaýyn paidalanýshylarmen jasalǵan Ónimdi bólisý týraly kelisimderdi qaita qaraýǵa nietti ekenin málimdegen edi. Alaida Kevin Laion "Interfaks-Qazaqstan" agenttigine osy turǵyda bergen túsiniktemesinde TShO-nyń Qazaqstanda ÓBK (ónimdi bólisý kelisimi) júiesimen emes, roialti men salyqtar negizinde jumys isteitinin eske saldy.
"TShO-da Ónimdi bólisý týraly kelisim degen joq, biz roialti men salyq tóleý sharttaryna baǵynatyn mámile aiasynda jumys isteimiz. Qazaqstannyń jobadaǵy úlesin ulǵaitý nemese qandai da bir ózgeris jaiyna keletin bolsaq, bul TShO-men tikelei talqylanatyn jait emes, aktsionerler men úkimet arasyndaǵy másele", – dep sózin túsindirdi ol.
Buǵan deiin Energetika ministri Almasadam Sátqaliev prezidenttiń iri jer qoinaýyn paidalanýshylarmen jasalǵan kelisimderdi uzartý jáne qaita qaraý týraly tapsyrmasy aiasynda, eń aldymen, "Teńizshevroilmen" (TShO) kelissózder bastalatynyn aitqan.
"Teńizshevroil" – álemdegi eń iri munai-gaz ken oryndarynyń biri sanalatyn Teńiz kenishiniń operatory. Kompaniianyń aktsionerleri: Chevron (50%), ExxonMobil (25%), "QazMunaiGaz" (20%) jáne "LÝKOIL" (5%).
Buǵan deiin prezident Qasym-Jomart Toqaev úkimetke Ónimdi bólisý týraly kelisimderdi jańartyp, el múddesine sai tásilmen olardy uzartý maqsatyndaǵy kelissózderdi jedeldetýdi tapsyrǵan. Al premer-ministr Oljas Bektenov Qazaqstannyń taqtatas munaiyn óndirý týraly jospary baryn aitqan.
2025 jyldyń 24 qańtarynda "Teńizshevroil" (TShO) Keleshek keńeitý jobasy aiasynda Teńizdegi úshinshi býyndaǵy zaýytynda shiki munaidy óndire bastady. Aldaǵy ailarda TShO óndiristi taǵy 12 million tonnaǵa deiin arttyrýdy kózdep otyr. Barlyq nysan tolyq qýatpen iske qosylǵanda Teńizden alynatyn shiki munai kólemi jylyna shamamen 40 million tonnaǵa jetýi yqtimal.
