«Taza Qazaqstan» respýblikalyq ekoaktsiiasynyń «Ónegeli urpaq» taqyryptyq aptalyǵy jáne Almaty Alataý aýdanyndaǵy «Almaty – bizdiń ortaq úiimiz» qalalyq naýqany aiasynda ákimdik qyzmetkerleri eriktilermen birlesip, múmkindigi shekteýli azamattar men jalǵyz turatyn zeinetkerlerdiń turǵyn úileriniń aýlalaryn tazalaýǵa jáne retke keltirýge kómek kórsetýdi jalǵastyrýda, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Qazirgi ýaqytta aýdan aýmaǵynda turaqty negizde kómek kórsetiletin 147 jalǵyzbasty qart adam turady.
Sondyqtan bul bastama jalǵasady ári qala tynysyna nemquraily qarai almaityn adamdardy osy igi iske óz úlesterin qosýǵa shaqyramyz.
Esterińizge sala keteiik, 8 sáýir men 8 mamyr aralyǵynda Almatyda «Almaty – bizdiń ortaq úiimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saitynda, Almaty ákimdiginiń áleýmettik jelilerinde ornalasqan. Sondai-aq, veb-saitqa arnaiy QR-kod arqyly qala boiynsha ornalastyrylǵan bannerlerde, plakattarda jáne afishalarda kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyBizdińOrtaqÚiimiz, #BizKóppizQalajalǵyz.
