Qazaqstanda júrgizýshi kýáligine qatysty jańa ereje engiziledi. 2026 jyldyń 25 mamyrynan bastap júrgizýshi kýálikterinde emtihannyń qandai berilis qorabymen tapsyrylǵany kórsetilmeitin boldy, dep habarlaidy dalanews.kz.
Endi jańa úlgidegi júrgizýshi kýáligin alǵan azamattar mehanikalyq ta, avtomatty berilis qoraby bar kólikterdi de basqara alady.
Buǵan deiin júrgizýshi kýáliginiń «Erekshe belgiler» bóliminde emtihannyń qandai transmissiiamen tapsyrylǵany jazylatyn. Avtomatty berilis qorabymen synaq tapsyrǵan júrgizýshilerge mehanikalyq qoraby bar kólikti júrgizýge ruqsat berilmeitin.
Jańa ózgeriske sáikes bul shekteý alynyp tastalady. Alaida qazirgi júrgizýshi kýáliginde mundai belgisi bar azamattar úshin ereje qujat merzimi aiaqtalyp, kýálik aýystyrylǵanǵa deiin kúshinde qalady.
