«تازا قازاقستان» رەسپۋبليكالىق ەكواكسياسىنىڭ «ونەگەلى ۇرپاق» تاقىرىپتىق اپتالىعى جانە الماتى الاتاۋ اۋدانىنداعى «الماتى – ءبىزدىڭ ورتاق ءۇيىمىز» قالالىق ناۋقانى اياسىندا اكىمدىك قىزمەتكەرلەرى ەرىكتىلەرمەن بىرلەسىپ، مۇمكىندىگى شەكتەۋلى ازاماتتار مەن جالعىز تۇراتىن زەينەتكەرلەردىڭ تۇرعىن ۇيلەرىنىڭ اۋلالارىن تازالاۋعا جانە رەتكە كەلتىرۋگە كومەك كورسەتۋدى جالعاستىرۋدا، – دەپ حابارلايدى Dalanews.kz الماتى قالاسى اكىمىنىڭ باسپا ءسوز قىزمەتىنە سىلتەمە جاساپ.
قازىرگى ۋاقىتتا اۋدان اۋماعىندا تۇراقتى نەگىزدە كومەك كورسەتىلەتىن 147 جالعىزباستى قارت ادام تۇرادى.
سوندىقتان بۇل باستاما جالعاسادى ءارى قالا تىنىسىنا نەمقۇرايلى قاراي المايتىن ادامداردى وسى يگى ىسكە ءوز ۇلەستەرىن قوسۋعا شاقىرامىز.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #ءالماتىبىزدىڭورتاقۇيىمىز، #بىزكوپپىزقالاجالعىز.
