Memleket basshysy Qasym-Jomart Toqaev Mańǵystaýdaǵy tarihi nysanǵa jasalǵan áreketke qatysty qatań shara qabyldaýdy talap etti, dep habarlaidy dalanews.kz.
Prezident qoǵamdaǵy vandalizm máselesin kóterip, tarihi-mádeni muralarǵa ziian keltirý jaǵdailarynyń kóbeigenin aitty.
"Biz oiy ozyq, órkenietti el bolamyz desek, eń aldymen qoǵamdaǵy kez kelgen mádenietsiz áreketke, jabaiy júris-turys pen turpaiy taǵylyqqa, iaǵni, vandalizmge túbegeili tosqaýyl qoiýymyz kerek. Ókinishke qarai, sońǵy ýaqytta tarihi jáne mádeni nysandarǵa qasaqana ziian keltirý jaǵdailary jiilep ketti. Mysaly, jaqynda ǵana Mańǵystaý oblysynyń Ybyqty sai shatqalynda bolǵan oqiǵa boiynsha tiisti ókiletti organdar qatań quqyqtyq qorytyndy shyǵarýy kerek", - dedi ol.
Prezident mundai zańsyz áreketterge qoǵam bolyp qarsy turý qajet ekenin atap ótti.
"Biz tutas qoǵam bolyp osyndai zańsyz áreketterge úzildi-kesildi qarsy turýymyz qajet. Zańdy qurmetteý, tabiǵatty aialaý, jaýapkershilik, jasampaz patriotizm qaǵidattary qoǵamdyq sanada túbegeili ornyǵýǵa tiis. Bul qasietter azamattarymyzdyń, ásirese, óskeleń urpaqtyń dúnietanymy keń, minez-qulqy durys adam retinde qalyptasýyna negiz bolýy kerek", – dedi Qasym-Jomart Toqaev.
