Qazaqstanda Ulttyq jol qaýipsizdigi strategiiasy ázirlenip jatyr, dep habarlaidy Dalanews.kz.
“Qazaqstanda el tarihynda alǵash ret Jol qaýipsizdigi strategiiasyn ázirleý jumystary bastaldy. Maqsat – aldaǵy bes jyl ishinde jol-kólik oqiǵalarynan bolatyn ólim-jitimdi keminde 30 paiyzǵa azaitý”, – delingen “QazjolǴZI” AQ baspasóz qyzmeti taratqan habarlamada.
Joba Qazaqstan Respýblikasy Kólik ministrligine qarasty avtomobil joldary komitetiniń tapsyrmasy boiynsha “Qazaqstan jol ǵylymi-zertteý institýty” aktsionerlik qoǵamy tarapynan ázirlenýde. Qujat eldegi jol-kólik oqiǵalarynyń artýyna qarsy kúrestegi negizgi quralǵa ainalady dep kútilýde.
Qazaqstan Respýblikasy Bas prokýratýrasynyń quqyqtyq statistika komitetiniń resmi derekterine súiensek, 2024 jyly elde 31 myńnan astam jol apaty tirkelgen. Bul ótken jylmen salystyrǵanda shamamen eki ese kóp. Vedomstvo málimetinshe, jol apattarynyń saldarynan 43 myńnan astam adam zardap shekken, 2 421 adam qaza tapqan.
Jobaǵa sáikes, Jol qaýipsizdigi strategiiasy árbir memlekettik organǵa arnalǵan jeke is-qimyl josparyn qamtidy. Onda halyqaralyq tájiribeler eskeriledi. Sondai-aq, qujatta Qazaqstan zańnamasyna ózgerister engizý; avtojoldardyń búkil ómirlik tsiklynda – jobalaýdan bastap paidalanýǵa berilgenge deiin – qozǵalys qaýipsizdigin mindetti aýditten jáne inspektsiiadan ótkizý qarastyrylǵan.
