«Borodavkin myrzanyń suhbatymen tanysyp shyqtym. Keibir tusynda óziniń laýazymyna sai kelmeitin sózder aitqan. Degenmen, Borodavkin myrza óte tájiribeli diplomat. Ony burynnan bilemiz.
Birinshiden, ol saiasattanýshylar men úgit-nasihatshylar siiaqty sóilemeýi kerek.
Ekinshiden, ksenofobiia Reseide de, basqa elderde de bar nárse. Sondyqtan biz birigip memleketterimizdiń múddesine jumys isteýimiz kerek.
Bizdiń aýzymyzdan shyqqan sóz eki taraptyń qarym-qatynasyna nuqsan keltirmeýi kerek», - dedi ol.
[video width="448" height="640" mp4="https://dalanews.kz/wp-content/uploads/2022/12/video5224242595009404595.mp4"][/video]
Aita ketelik, buǵan deiin Reseidiń Qazaqstandaǵy elshisi Aleksei Borodavkin Qazaqstanda orysfobiia men ekstremizmniń damyp kele jatqanyn aitqan.
Ol qazaq qoǵamyn ultshyl jáne radikaldy urandar jaýlap aldy dep esepteidi.
“Qazaqstandaǵy ultshyldyq pen radikaldyq tendentsiialardyń barǵan saiyn aiqyn baiqalyp jatqanyna ókinishpen aita alamyn jáne alańdaimyn. Internette radikaldy ultshyldar múldem qabyldanbaityn talaptar, urandar jáne t.b. usynatyn beinerolikterge toly. Onyń ústine bul urandar rýsofobtyq”, – dedi elshi.
Sondai-aq, Borodavkin prezident Toqaevtyń ulyqtaý rásimi kezinde qoǵamdaǵy alaýyzdyqqa jáne halyq birligine nuqsan keltirýge baǵyttalǵan arandatýshylyq áreketterdiń jolyn kesetinin jariialaǵanyn atap ótti.
Elshi budan bylai el basshylyǵy qazaq qoǵamyndaǵy ultshyldyq pen radikaldyq sezimdi azaitý sharalaryn qolǵa alady dep kútedi.
“Qaitalap aitamyn, qazir prezident bergen kúshti mandatpen ekstremistik ultshyldyq sózderdiń barlyq túrlerin aýyzdyqtaýǵa baǵyttalǵan qatań sharalar júzege asyrylady. Bizden surasa, kómektesemiz”, – dedi ol.
Bul rette Tótenshe Elshi qańtar oqiǵasy kezinde UQShU arqyly bitimgershilik kontingentiniń engizilýi eldegi tártipti tez arada qalpyna keltirýge kómekteskenin eske salǵan. Ol Qazaqstan halqyna óte jyldam ári tiimdi kómek úshin alǵys bildiretinin atap ótken.
