«بوروداۆكين مىرزانىڭ سۇحباتىمەن تانىسىپ شىقتىم. كەيبىر تۇسىندا ءوزىنىڭ لاۋازىمىنا ساي كەلمەيتىن سوزدەر ايتقان. دەگەنمەن، بوروداۆكين مىرزا وتە تاجىريبەلى ديپلومات. ونى بۇرىننان بىلەمىز.
بىرىنشىدەن، ول ساياساتتانۋشىلار مەن ۇگىت-ناسيحاتشىلار سياقتى سويلەمەۋى كەرەك.
ەكىنشىدەن، كسەنوفوبيا رەسەيدە دە، باسقا ەلدەردە دە بار نارسە. سوندىقتان ءبىز بىرىگىپ مەملەكەتتەرىمىزدىڭ مۇددەسىنە جۇمىس ىستەۋىمىز كەرەك.
ءبىزدىڭ اۋزىمىزدان شىققان ءسوز ەكى تاراپتىڭ قارىم-قاتىناسىنا نۇقسان كەلتىرمەۋى كەرەك»، - دەدى ول.
[video width="448" height="640" mp4="https://dalanews.kz/wp-content/uploads/2022/12/video5224242595009404595.mp4"][/video]
ايتا كەتەلىك، بۇعان دەيىن رەسەيدىڭ قازاقستانداعى ەلشىسى الەكسەي بوروداۆكين قازاقستاندا ورىسفوبيا مەن ەكسترەميزمنىڭ دامىپ كەلە جاتقانىن ايتقان.
ول قازاق قوعامىن ۇلتشىل جانە راديكالدى ۇراندار جاۋلاپ الدى دەپ ەسەپتەيدى.
“قازاقستانداعى ۇلتشىلدىق پەن راديكالدىق تەندەنسيالاردىڭ بارعان سايىن ايقىن بايقالىپ جاتقانىنا وكىنىشپەن ايتا الامىن جانە الاڭدايمىن. ينتەرنەتتە راديكالدى ۇلتشىلدار مۇلدەم قابىلدانبايتىن تالاپتار، ۇراندار جانە ت.ب. ۇسىناتىن بەينەروليكتەرگە تولى. ونىڭ ۇستىنە بۇل ۇراندار رۋسوفوبتىق”، – دەدى ەلشى.
سونداي-اق، بوروداۆكين پرەزيدەنت توقايەۆتىڭ ۇلىقتاۋ ءراسىمى كەزىندە قوعامداعى الاۋىزدىققا جانە حالىق بىرلىگىنە نۇقسان كەلتىرۋگە باعىتتالعان ارانداتۋشىلىق ارەكەتتەردىڭ جولىن كەسەتىنىن جاريالاعانىن اتاپ ءوتتى.
ەلشى بۇدان بىلاي ەل باسشىلىعى قازاق قوعامىنداعى ۇلتشىلدىق پەن راديكالدىق سەزىمدى ازايتۋ شارالارىن قولعا الادى دەپ كۇتەدى.
“قايتالاپ ايتامىن، ءقازىر پرەزيدەنت بەرگەن كۇشتى مانداتپەن ەكسترەميستىك ۇلتشىلدىق سوزدەردىڭ بارلىق تۇرلەرىن اۋىزدىقتاۋعا باعىتتالعان قاتاڭ شارالار جۇزەگە اسىرىلادى. بىزدەن سۇراسا، كومەكتەسەمىز”، – دەدى ول.
بۇل رەتتە توتەنشە ەلشى قاڭتار وقيعاسى كەزىندە ۇقشۇ ارقىلى بىتىمگەرشىلىك كونتينگەنتىنىڭ ەنگىزىلۋى ەلدەگى ءتارتىپتى تەز ارادا قالپىنا كەلتىرۋگە كومەكتەسكەنىن ەسكە سالعان. ول قازاقستان حالقىنا وتە جىلدام ءارى ءتيىمدى كومەك ءۇشىن العىس بىلدىرەتىنىن اتاپ وتكەن.
