Ulybritaniia biligi Reseidiń barlaý agenttikteriniń tapsyrysy boiynsha tyńshylyq jasady dep kúdiktengen bolgariialyqtarǵa qatysty sot Londonnyń ortalyq qylmystyq sotynda ótken edi. Buǵan deiin olardyń Bergei Rysqalievke qandai qatysy bary da aityldy.
BBC málimetinshe, prokýrorlar bul adamdar Germaniiadaǵy amerikalyq áskeri bazany qadaǵalap, Resei biliginiń qarsylastaryn, sonyń ishinde jýrnalisterdi baqylaýǵa tyrysty dep sanaidy.
"Sotqa 33 jastaǵy Katrin Ivanova, 30 jastaǵy Vania Gaberova jáne 39 jastaǵy Tihomir Ivanchev keldi. Olar aiyptaýdy joqqa shyǵarady. Kúdiktilerdiń ekeýi - 46 jastaǵy Orlin Rýsev pen 43 jastaǵy Bizer Jambazov tyńshylyq jasaǵanyn moiyndady", - dep jazylǵan buǵan deiingi basylym málimetinde.
Basylym deregine súiensek, bul top Reseidiń arnaiy qyzmetteriniń tapsyrysy boiynsha 2020 jyly tamyzdan 2023 jylǵy aqpanǵa deiin operatsiialar oryndaǵan.
"Tergeý málimetteri boiynsha bul jelini Avstriia azamaty jáne Wirecard kompaniiasynyń burynǵy operatsiialyq direktory Ian Marsalek esimdi adam basqarǵan, ol Germaniiada alaiaqtyqqa qatysty aiyppen izdestirildi. 2020 jyly Marsalek Eýropadan Minskige qonǵan jeke ushaqpen qashyp ketti. Reseilik barlaý oǵan qashýǵa kómektesti dep sanalady", - dep jazylǵan buǵan deiingi derekte.
BBC dereginshe, olardyń Ulybritaniiaǵa qashyp kelip, saiasi baspana alǵan qazaqstandyq saiasatker Bergei Rysqalievke de áseri bolǵan.
"Aiyptaý málimetteri boiynsha kúdiktiler Reseidiń Qazaqstanmen bailanysyn nyǵaitý úshin Rysqalievti de ańdyǵan.
Tergeý málimetteri boiynsha kúdiktilerdiń taǵy bir operatsiiasy Londonda ornalasqan Qazaqstan elshiligine baǵyttalǵan. …Prokýrorlardyń pikirinshe, bul da Resei men Qazaqstan arasyndaǵy qarym-qatynasty nyǵaitýǵa baǵyttalǵan", - dep jazylǵan buǵan deiingi derekte.
Dalanews.kz anyqtamasy
Bergei Rysqaliev 2005 jyldan bastap Atyraý oblysy ákiminiń orynbasary, 2006 jyldan bastap Atyraý qalasynyń ákimi, 2006 jyldan 2012 jylǵa deiin Atyraý oblysynyń ákimi qyzmetin atqardy.
Bergei Rysqaliev 2012 jyly Májilis depýtaty bolǵan aǵasy Amanjan Rysqalimen birge elden qashyp ketken bolatyn. Sol kezde olarǵa halyqaralyq izdeý jariialanǵan edi.
Málimetterge súiensek, Rysqaliev memleketke ondaǵan milliard teńge shyǵyn keltirgen.
