10 shildeden bastap óńirimizde Arystan kelgen 220 bala tynyǵýda. Al 28 shilde men 25 tamyz aralyǵynda taǵy da 80 bala kelip, Shyǵys Qazaqstannyń ásem tabiǵatymen jáne kieli oryndarymen tanyspaq. Olardy munda qyzyqty ekskýrsiia, kontserttik jáne tsirktik baǵdarlamalar kútip tur.
Qazirgi tańda balalar Katonqaraǵai aýdany, Primorsk aýylynda ornalasqan «Araily Shyǵys», Semeidegi «Qaraǵaily», Taýly Úlbidegi «Daryn», Glýbokoe aýdanyndaǵy Maloýbinka aýylynda ornalasqan "Tolaǵai», Úrjar aýdany, Qabanbai aýylyndaǵy «Ýrjaraiym», Ulan aýdany, tómengi Taiynty aýylyndaǵy "Bolashaq» lagerlerinde demalýda.
Árbir lagerde balalardyń qatysýymen túrli sporttyq jarystar men baiqaýlar, saxnalyq qoiylymdar uiymdastyrylýda.
Máselen, Abaidyń 175 jyldyǵyna orai óleńdi mánerlep oqý saiysy ótti. Oǵan Arys qalasynan kelgen balalar belsene qatysty.
Budan bólek balalar murajailarǵa baryp, qalalyq jáne aýdan ortalyqtaryndaǵy mádenie demalys oryndarynda demalatyn bolady.
Máselen, «Jidebai Bórili» memorialdyq murajai-qoryǵyndaǵy Abai men Shákárim, ashyq aspan astynda ornalasqan «Berel qorǵandary» syndy kieli oryndarǵa baryp, erekshe áser alyp qaitty. - «Lagerge kelgen 10 kúnniń ishinde biz eki kúnimizdi saiaxattaýǵa arnadyq. Óte qyzyqty áser aldyq. Jidebaiǵa baryp, qazaq danasy Abai Qunanbaiulynyń tarihi mekenimen etene tanysyp, tarihi saýatymyzdy ashtyq, - dedi Arys qalasynan kelgen Ahmet Jaisan.
Búgin Arys qalasynan kelip, «Daryn» lagerinde demalyp jatqan balalarmen oblys ákiminiń orynbasary Ásem Núsipova kezdesip, jyly lebizin bildirdi. Budan soń oblys ákiminiń orynbasary balalarǵa estelik syilyqtardy tabys etti.
- Bizdiń óńirde Arys qalasynan kelgen balalardy kórgenime qýanyshtymyn. Balalar elimizdiń Shyǵysyndaǵy kórikti jerler - Katonqaraǵai, Taýly Úlbi, Taiynty, Qaraǵaily syndy oryndarda demalýda. Balalar jaqsy demalyspen qatar oblys tarihyn tanyp, biraz qyzyqty aqparatpen qanyqty. Óz týǵn jerlerine áserli kóńil-kúimen qaitady degen senimdemiz, - dedi Ásem Bekqyzy. Ásem Núsipova oblys ákimi Danial Ahmetovtyń atynan balalarǵa kitaptar men 300 balaǵa sporttyq kiimder, aiaq-kiimder tabys etti.
Aita ketsek, Arystan kelgen balalarǵa shyǵysqazaqstandyq dárigerler tiisti meditsinalyq kómek túrlerin kórsetýde, iaǵni tolyq keshendi tekserýden ótkizip, balalarmen joǵary bilikti psixologtar men tálimgerler jumys isteýde.
Biyl Shyǵys Qazaqstanda 990 saýyqtyrý jáne mektep aldy lagerleri balalarǵa qyzmet kórsetýde. Jazǵy saýyqtyrý lagerlerinde 174000-den astam oqýshy demalady. Bul oblystaǵy balalardyń 99,7 paiyzyn quraidy. Onyń ishinde 33 582 (100%) kópbalaly jáne az qamtylǵan otbasylarda tárbielenip jatqan balalar ekenin atap ótken oryndy.
Ásem JYLQYShIEVA,
Shyǵys Qazaqstan oblysy
