10 شىلدەدەن باستاپ وڭىرىمىزدە ارىستان كەلگەن 220 بالا تىنىعۋدا. ال 28 شىلدە مەن 25 تامىز ارالىعىندا تاعى دا 80 بالا كەلىپ، شىعىس قازاقستاننىڭ اسەم تابيعاتىمەن جانە كيەلى ورىندارىمەن تانىسپاق. ولاردى مۇندا قىزىقتى ەكسكۋرسيا، كونسەرتتىك جانە سيركتىك باعدارلامالار كۇتىپ تۇر.
قازىرگى تاڭدا بالالار كاتونقاراعاي اۋدانى، پريمورسك اۋىلىندا ورنالاسقان «ارايلى شىعىس»، سەمەيدەگى «قاراعايلى»، تاۋلى ۇلبىدەگى «دارىن»، گلۋبوكوە اۋدانىنداعى مالوۋبينكا اۋىلىندا ورنالاسقان "تولاعاي»، ءۇرجار اۋدانى، قابانباي اۋىلىنداعى «ۋرجارايىم»، ۇلان اۋدانى، تومەنگى تايىنتى اۋىلىنداعى "بولاشاق» لاگەرلەرىندە دەمالۋدا.
ءاربىر لاگەردە بالالاردىڭ قاتىسۋىمەن ءتۇرلى سپورتتىق جارىستار مەن بايقاۋلار، ساxنالىق قويىلىمدار ۇيىمداستىرىلۋدا.
ماسەلەن، ابايدىڭ 175 جىلدىعىنا وراي ولەڭدى مانەرلەپ وقۋ سايىسى ءوتتى. وعان ارىس قالاسىنان كەلگەن بالالار بەلسەنە قاتىستى.
بۇدان بولەك بالالار مۇراجايلارعا بارىپ، قالالىق جانە اۋدان ورتالىقتارىنداعى مادەنيە دەمالىس ورىندارىندا دەمالاتىن بولادى.
ماسەلەن، «جيدەباي ءبورىلى» مەموريالدىق مۇراجاي-قورىعىنداعى اباي مەن شاكارىم، اشىق اسپان استىندا ورنالاسقان «بەرەل قورعاندارى» سىندى كيەلى ورىندارعا بارىپ، ەرەكشە اسەر الىپ قايتتى. - «لاگەرگە كەلگەن 10 كۇننىڭ ىشىندە ءبىز ەكى كۇنىمىزدى ساياxاتتاۋعا ارنادىق. وتە قىزىقتى اسەر الدىق. جيدەبايعا بارىپ، قازاق داناسى اباي قۇنانباي ۇلىنىڭ تاريحي مەكەنىمەن ەتەنە تانىسىپ، تاريحي ساۋاتىمىزدى اشتىق، - دەدى ارىس قالاسىنان كەلگەن احمەت جايسان.
بۇگىن ارىس قالاسىنان كەلىپ، «دارىن» لاگەرىندە دەمالىپ جاتقان بالالارمەن وبلىس اكىمىنىڭ ورىنباسارى اسەم ءنۇسىپوۆا كەزدەسىپ، جىلى لەبىزىن ءبىلدىردى. بۇدان سوڭ وبلىس اكىمىنىڭ ورىنباسارى بالالارعا ەستەلىك سىيلىقتاردى تابىس ەتتى.
- ءبىزدىڭ وڭىردە ارىس قالاسىنان كەلگەن بالالاردى كورگەنىمە قۋانىشتىمىن. بالالار ەلىمىزدىڭ شىعىسىنداعى كورىكتى جەرلەر - كاتونقاراعاي، تاۋلى ءۇلبى، تايىنتى، قاراعايلى سىندى ورىنداردا دەمالۋدا. بالالار جاقسى دەمالىسپەن قاتار وبلىس تاريحىن تانىپ، ءبىراز قىزىقتى اقپاراتپەن قانىقتى. ءوز تۋعن جەرلەرىنە اسەرلى كوڭىل-كۇيمەن قايتادى دەگەن سەنىمدەمىز، - دەدى اسەم بەك قىزى. اسەم ءنۇسىپوۆا وبلىس اكىمى دانيال احمەتوۆتىڭ اتىنان بالالارعا كىتاپتار مەن 300 بالاعا سپورتتىق كيىمدەر، اياق-كيىمدەر تابىس ەتتى.
ايتا كەتسەك، ارىستان كەلگەن بالالارعا شىعىسقازاقستاندىق دارىگەرلەر ءتيىستى مەديسينالىق كومەك تۇرلەرىن كورسەتۋدە، ياعني تولىق كەشەندى تەكسەرۋدەن وتكىزىپ، بالالارمەن جوعارى بىلىكتى پسيxولوگتار مەن تالىمگەرلەر جۇمىس ىستەۋدە.
بيىل شىعىس قازاقستاندا 990 ساۋىقتىرۋ جانە مەكتەپ الدى لاگەرلەرى بالالارعا قىزمەت كورسەتۋدە. جازعى ساۋىقتىرۋ لاگەرلەرىندە 174000-دەن استام وقۋشى دەمالادى. بۇل وبلىستاعى بالالاردىڭ 99،7 پايىزىن قۇرايدى. ونىڭ ىشىندە 33 582 (100%) كوپبالالى جانە از قامتىلعان وتباسىلاردا تاربيەلەنىپ جاتقان بالالار ەكەنىن اتاپ وتكەن ورىندى.
اسەم جىلقىشييەۆا،
شىعىس قازاقستان وبلىسى
