"Ol - pýtinist!". Qazaqtyń óner juldyzdary Kirkorovtyń Astanadaǵy kontsertine qarsy shyqty
Bul jaiynda prodiýser álemjelidegi paraqshasynda jazdy.
"Elimizdiń mádeni ómiri qyzyp, kóptegen is-sharalar ótip jatyr. Myńdaǵan kórermen jinaǵan qazaqstandyq ártistermen birge ashyq aspan astyndaǵy án keshteri uiymdastyrylýda. Almatydaǵy Dimash Qudaibergenniń kontserti dúnieni dúr silkindirip, ine-shanshar orynsyz ótti.
Al Qazaqstanǵa keletin reseilik ártister tek úlken gonorar tólense ǵana óner kórsetedi. Jaraidy delik, Pýtinniń basqynshy saiasatyn aiyptap, agressiiany qoldamaityn Alla Pýgacheva, Bi 2, Shevchýk, Boris Grebenshikov, Galkin sekildi nanyn adal taýyp otyrǵan ártisterge eshqandai qarsylyǵym joq.
Alaida, astanalyqtar dál osy ánshiniń kontsertine barmaityn shyǵarsyzdar degen senimdemin. Onyń ustanymyn barlyǵyńyz bilesizder. Ony qatty jaqsy kóretinder, ony spotifay-den tyńdap júre berińizder", - dep jazdy Alýa Qonarova.
Buǵan pikir bildirgen oqyrmandar "Qonarovanyń bastamasyn Qazaqstannyń ózge de óner juldyzdary qoldaidy degen úmittemiz" deidi.
Kirkorovtyń kontserti 5-shi qarashaǵa josparlanǵan. Bilet quny 80 myń teńgeniń tóńireginde.
...
Aita ketelik buǵan deiin Dalainside telegram arnasy aldaǵy ailarda Respýblika saraiyn orys ánshileri brondai bastaitynyn habarlaǵan edi.
"Qazaqstanǵa qonys aýdarǵan 2 millionǵa jýyq reseilik azdan keiin atajurtyn saǵynyp, "igrai garmondy" ańsai bastaidy.
Sońǵy jyldary eldegi orys sany azaiýy sebepti suranystan qalyp, ? ámiiany ortaiǵan reseilik ánshiler Qazaqstanǵa údere kóshken otandastaryna úmitpen qaraýda.
Orys tiliniń órisi tarylǵaly úlken kontsertti umytyp, Qapshaǵaidaǵy kazinolardy jaǵalap ketken Gazmanov, Gagarina, Bilan, Lazarev sekildi "pýtinister" Respýblika saraiynyń sahnasynan túspeiin dep tur. Qudai berdi degen osy.
Bular Kremldiń "jumsaq kúshi". Astana men Almatynyń bilbordtary reseilik ánshilerdi jarnamalai bastaityn kún jaqyn.
Qazaqstanǵa qonys aýdarǵan reseilikter orystildi servistiń keńistigin keńitip, endi-endi kúsh ala bastaǵan qazaqtandyrý protsesin tejeitin túri bar", – dep jazady telegram arna.
