"ول - پۋتينيست!". قازاقتىڭ ٶنەر جۇلدىزدارى كيركوروۆتىڭ استاناداعى كونتسەرتٸنە قارسى شىقتى
بۇل جايىندا پروديۋسەر ەلەمجەلٸدەگٸ پاراقشاسىندا جازدى.
"ەلٸمٸزدٸڭ مەدەني ٶمٸرٸ قىزىپ, كٶپتەگەن ٸس-شارالار ٶتٸپ جاتىر. مىڭداعان كٶرەرمەن جيناعان قازاقستاندىق ەرتٸستەرمەن بٸرگە اشىق اسپان استىنداعى ەن كەشتەرٸ ۇيىمداستىرىلۋدا. الماتىداعى ديماش قۇدايبەرگەننٸڭ كونتسەرتٸ دٷنيەنٸ دٷر سٸلكٸندٸرٸپ, ينە-شانشار ورىنسىز ٶتتٸ.
ال قازاقستانعا كەلەتٸن رەسەيلٸك ەرتٸستەر تەك ٷلكەن گونورار تٶلەنسە عانا ٶنەر كٶرسەتەدٸ. جارايدى دەلٸك, پۋتيننٸڭ باسقىنشى ساياساتىن ايىپتاپ, اگرەسسييانى قولدامايتىن اللا پۋگاچەۆا, بي 2, شەۆچۋك, بوريس گرەبەنششيكوۆ, گالكين سەكٸلدٸ نانىن ادال تاۋىپ وتىرعان ەرتٸستەرگە ەشقانداي قارسىلىعىم جوق.
الايدا, استانالىقتار دەل وسى ەنشٸنٸڭ كونتسەرتٸنە بارمايتىن شىعارسىزدار دەگەن سەنٸمدەمٸن. ونىڭ ۇستانىمىن بارلىعىڭىز بٸلەسٸزدەر. ونى قاتتى جاقسى كٶرەتٸندەر, ونى spotifay-دەن تىڭداپ جٷرە بەرٸڭٸزدەر", - دەپ جازدى الۋا قوناروۆا.
بۇعان پٸكٸر بٸلدٸرگەن وقىرماندار "قوناروۆانىڭ باستاماسىن قازاقستاننىڭ ٶزگە دە ٶنەر جۇلدىزدارى قولدايدى دەگەن ٷمٸتتەمٸز" دەيدٸ.
كيركوروۆتىڭ كونتسەرتٸ 5-شٸ قاراشاعا جوسپارلانعان. بيلەت قۇنى 80 مىڭ تەڭگەنٸڭ تٶڭٸرەگٸندە.
...
ايتا كەتەلٸك بۇعان دەيٸن Dalainside تەلەگرام ارناسى الداعى ايلاردا رەسپۋبليكا سارايىن ورىس ەنشٸلەرٸ برونداي باستايتىنىن حابارلاعان ەدٸ.
"قازاقستانعا قونىس اۋدارعان 2 ميلليونعا جۋىق رەسەيلٸك ازدان كەيٸن اتاجۇرتىن ساعىنىپ, "يگراي گارموندى" اڭساي باستايدى.
سوڭعى جىلدارى ەلدەگٸ ورىس سانى ازايۋى سەبەپتٸ سۇرانىستان قالىپ, ? ەمييانى ورتايعان رەسەيلٸك ەنشٸلەر قازاقستانعا ٷدەرە كٶشكەن وتانداستارىنا ٷمٸتپەن قاراۋدا.
ورىس تٸلٸنٸڭ ٶرٸسٸ تارىلعالى ٷلكەن كونتسەرتتٸ ۇمىتىپ, قاپشاعايداعى كازينولاردى جاعالاپ كەتكەن گازمانوۆ, گاگارينا, بيلان, لازارەۆ سەكٸلدٸ "پۋتينيستەر" رەسپۋبليكا سارايىنىڭ ساحناسىنان تٷسپەيٸن دەپ تۇر. قۇداي بەردٸ دەگەن وسى.
بۇلار كرەملدٸڭ "جۇمساق كٷشٸ". استانا مەن الماتىنىڭ بيلبوردتارى رەسەيلٸك ەنشٸلەردٸ جارنامالاي باستايتىن كٷن جاقىن.
قازاقستانعا قونىس اۋدارعان رەسەيلٸكتەر ورىستٸلدٸ سەرۆيستٸڭ كەڭٸستٸگٸن كەڭٸتٸپ, ەندٸ-ەندٸ كٷش الا باستاعان قازاقتاندىرۋ پروتسەسٸن تەجەيتٸن تٷرٸ بار", – دەپ جازادى تەلەگرام ارنا.
