Deni saý, memleketshil ministr «Entsiklopediia» baspasy basshysyn esh kinaratsyz bosatyp, ornyna týysqanyn taǵaiyndap, baspa ǵimaraty men nedáýir úlken jerdi jekeshelendirip almaidy. Eger Arystanbek shynymen memleketshil tulǵa bolsa, aqynǵa (Baýyrjan Jaqyp) jaǵdai jasap, baspa isin órkendeter edi. Jerdi jekelendirse – jol Baýyrjan Jaqyptiki emes pe?!
Deni saý, memleketshil ministr Q.A.Iasaýi Mavzoleii qabyrǵasy ylǵaldanyp, jaryla bastaǵanyn aityp dabyl qaqqan direktordy ornynan alyp, kieli Mavzoleige basshy etip buryn sońynan sóz ergen «óz adamyn» taǵaiyndap, kesenege jany ashityn adamdardyń meselin aiaqasty etpeidi. Yndynyn qurtqan ministrdiń «restavratsiiaǵa» bólinetin qyrýar qarjy bolsa kerek.
Aita berse, eks-ministrdiń arany ash qasqyrdyń tábetinen jaman desedi jurt. Men aitpaimyn, jurt aitady! Kim bilsin?
Qalai degende de ministrdiń ant-sý iship, qarǵanýyna sengiń kelmeidi. Muhtar Qul-Muhamedtei ziialy ornyna kelip otyrǵan Arystanbek (Áliev) ministrliktiń jumysyn ilgeri bastyra almaǵany anyq. Muny endi men aitamyn.
Ministr – el qyzmetshisi! El qyzmetshisi – ministrdi el aqtamasa, jurt jaqtamasa, ol qandai ministr bolǵany?
Jalpy, biz myna 30 jylda Mádeniet ministrine Sharl de Goldiń kózimen qarai almadyq. Obrazdy aitqanda, deni mádenietten jurdai, «boq domalatqan qońyzdan» artyq jeri joq qýys qýrai keýde, jái pende! Ókinishti!
Aita berse, bul taýsylmaityn «jyr». Úmit kózi ilgeride!
Ant arzandap ketken joq pa, búgingi kúni?
Qulbek ERGÓBEK, ádebiet synshysy, professor
