دەنٸ ساۋ, مەملەكەتشٸل مينيستر «ەنتسيكلوپەدييا» باسپاسى باسشىسىن ەش كٸناراتسىز بوساتىپ, ورنىنا تۋىسقانىن تاعايىنداپ, باسپا عيماراتى مەن نەدەۋٸر ٷلكەن جەردٸ جەكەشەلەندٸرٸپ المايدى. ەگەر ارىستانبەك شىنىمەن مەملەكەتشٸل تۇلعا بولسا, اقىنعا (باۋىرجان جاقىپ) جاعداي جاساپ, باسپا ٸسٸن ٶركەندەتەر ەدٸ. جەردٸ جەكەلەندٸرسە – جول باۋىرجان جاقىپتٸكٸ ەمەس پە?!
دەنٸ ساۋ, مەملەكەتشٸل مينيستر ق.ا.ياساۋي ماۆزولەيٸ قابىرعاسى ىلعالدانىپ, جارىلا باستاعانىن ايتىپ دابىل قاققان ديرەكتوردى ورنىنان الىپ, كيەلٸ ماۆزولەيگە باسشى ەتٸپ بۇرىن سوڭىنان سٶز ەرگەن «ٶز ادامىن» تاعايىنداپ, كەسەنەگە جانى اشيتىن ادامداردىڭ مەسەلٸن اياقاستى ەتپەيدٸ. ىندىنىن قۇرتقان مينيستردٸڭ «رەستاۆراتسيياعا» بٶلٸنەتٸن قىرۋار قارجى بولسا كەرەك.
ايتا بەرسە, ەكس-مينيستردٸڭ ارانى اش قاسقىردىڭ تەبەتٸنەن جامان دەسەدٸ جۇرت. مەن ايتپايمىن, جۇرت ايتادى! كٸم بٸلسٸن?
قالاي دەگەندە دە مينيستردٸڭ انت-سۋ ٸشٸپ, قارعانۋىنا سەنگٸڭ كەلمەيدٸ. مۇحتار قۇل-مۇحامەدتەي زييالى ورنىنا كەلٸپ وتىرعان ارىستانبەك (ەليەۆ) مينيسترلٸكتٸڭ جۇمىسىن ٸلگەرٸ باستىرا الماعانى انىق. مۇنى ەندٸ مەن ايتامىن.
مينيستر – ەل قىزمەتشٸسٸ! ەل قىزمەتشٸسٸ – مينيستردٸ ەل اقتاماسا, جۇرت جاقتاماسا, ول قانداي مينيستر بولعانى?
جالپى, بٸز مىنا 30 جىلدا مەدەنيەت مينيسترٸنە شارل دە گولدٸڭ كٶزٸمەن قاراي المادىق. وبرازدى ايتقاندا, دەنٸ مەدەنيەتتەن جۇرداي, «بوق دومالاتقان قوڭىزدان» ارتىق جەرٸ جوق قۋىس قۋراي كەۋدە, جەي پەندە! ٶكٸنٸشتٸ!
ايتا بەرسە, بۇل تاۋسىلمايتىن «جىر». ٷمٸت كٶزٸ ٸلگەرٸدە!
انت ارزانداپ كەتكەن جوق پا, بٷگٸنگٸ كٷنٸ?
قۇلبەك ەرگٶبەك, ەدەبيەت سىنشىسى, پروفەسسور
