Investitsiianyń basym bóligi tamaq óndirisine baǵyttalǵan. Oblystaǵy kúzgi egin jinaý jumystary men agroónerkásiptik keshenin damytý salasynda atqarylǵan jumystarynyń oryndalýy Túrkistan oblysynyń ákimi Ómirzaq Shókeevtiń tóraǵalyǵymen ótkiziletin lezdemelik májilistiń kún tártibinde qaraldy.
Kúzgi egin jinaý naýqany tabysty. Búginge deiin 3 mln tonna kókónis, baqsha, kartop ónimderi jinaldy. Jyl sońyna deiin kúzgi ónimniń jalpy kólemi 3,5 mln. tonnaǵa jetkiziledi. Biyl aýyl sharýashylyǵy daqyldary 842,4 myń gektarǵa egildi.
Óńirdegi 18 maqta óńdeý zaýytynyń 206 maqta qabyldaý beketi shitti maqtanyń 1 kelisin 250 teńgeden qabyldaýda. Sharýalar ár gektardan orta eseppen 30-35 tsentnerden ónip alyp, 500 myń teńgege deiin paida tappaq. Jospar boiynsha 250 myń tonna shitti maqta jinaý josparlanyp otyr. Biylǵy qýańshylyqqa qaramastan, Ózbekstan elimen ekijaqty yntymaqtastyq týraly kelisimniń egistik alqaptar transshekaralyq «Dostyq» kanalynan keletin aǵyn sýmen tiisti deńgeide qamtamasyz etildi. Tyńaitqysh pen tuqymdyq shitten tarshylyq kórmei, jeńildetilgen baǵadaǵy janar-jaǵarmai da jetkilikti boldy, deidi.
– Biyl maqtanyń ónimi jaqsy, baǵasy da jaqsy. Sharýalarymyzdyń tabysynyń artatyny qýantady. Onyń ústine biyl egistik alqaptarymyz da buryn bolmaǵan aǵyn sýmen qamtamasyz etildi, – dedi oblys ákimi.
Sonymen qatar, oblys ákiminiń tapsyrmasymen aǵyn sýdy arttyrý maqsatynda sý arnalaryn mehanikalyq tazalaýdan ótýde. Bul óz kezeginde sýarmaly jerlerdiń aǵyn sýmen qamtamasyz etilýin jaqsartyp, jer asty sýyn tómendetip, egistiktiń tuzdanýynyń aldyn alyp, maqta daqylynyń ónimdiligin arttyrady.
Sonymen birge, otyrysta oblystaǵy múlik ieleri birlestigi boiynsha sońǵy málimetter baiandaldy. Túrkistan oblysynda 1482 kóppáterli turǵyn úiler bar. Onyń ishinde, basqarý organdaryn qurýdy qajet etetini 1348, qalǵan 127 KPTÚ kommýnaldyq menshiginde. Respýblikalyq deńgeide júieli jumysty uiymdastyrý úshin «Easy project» aqparattyq júiesi quryldy, oǵan kóppáterli turǵyn úiler týraly barlyq aqparat júktelýi tiis. Oblystyń barlyq kóppáterli úileri osy júiege engiziledi. Kondominiým nysandaryn basqarýdyń jańa baǵytyna kóshý jónindegi jumystar qazan aiynyń sońyna deiin aiaqtaý kózdelgen.
