ينۆەستيتسييانىڭ باسىم بٶلٸگٸ تاماق ٶندٸرٸسٸنە باعىتتالعان. وبلىستاعى كٷزگٸ ەگٸن جيناۋ جۇمىستارى مەن اگروٶنەركەسٸپتٸك كەشەنٸن دامىتۋ سالاسىندا اتقارىلعان جۇمىستارىنىڭ ورىندالۋى تٷركٸستان وبلىسىنىڭ ەكٸمٸ ٶمٸرزاق شٶكەەۆتٸڭ تٶراعالىعىمەن ٶتكٸزٸلەتٸن لەزدەمەلٸك مەجٸلٸستٸڭ كٷن تەرتٸبٸندە قارالدى.
كٷزگٸ ەگٸن جيناۋ ناۋقانى تابىستى. بٷگٸنگە دەيٸن 3 ملن توننا كٶكٶنٸس, باقشا, كارتوپ ٶنٸمدەرٸ جينالدى. جىل سوڭىنا دەيٸن كٷزگٸ ٶنٸمنٸڭ جالپى كٶلەمٸ 3,5 ملن. تونناعا جەتكٸزٸلەدٸ. بيىل اۋىل شارۋاشىلىعى داقىلدارى 842,4 مىڭ گەكتارعا ەگٸلدٸ.
ٶڭٸردەگٸ 18 ماقتا ٶڭدەۋ زاۋىتىنىڭ 206 ماقتا قابىلداۋ بەكەتٸ شيتتٸ ماقتانىڭ 1 كەلٸسٸن 250 تەڭگەدەن قابىلداۋدا. شارۋالار ەر گەكتاردان ورتا ەسەپپەن 30-35 تسەنتنەردەن ٶنٸپ الىپ, 500 مىڭ تەڭگەگە دەيٸن پايدا تاپپاق. جوسپار بويىنشا 250 مىڭ توننا شيتتٸ ماقتا جيناۋ جوسپارلانىپ وتىر. بيىلعى قۋاڭشىلىققا قاراماستان, ٶزبەكستان ەلٸمەن ەكٸجاقتى ىنتىماقتاستىق تۋرالى كەلٸسٸمنٸڭ ەگٸستٸك القاپتار ترانسشەكارالىق «دوستىق» كانالىنان كەلەتٸن اعىن سۋمەن تيٸستٸ دەڭگەيدە قامتاماسىز ەتٸلدٸ. تىڭايتقىش پەن تۇقىمدىق شيتتەن تارشىلىق كٶرمەي, جەڭٸلدەتٸلگەن باعاداعى جانار-جاعارماي دا جەتكٸلٸكتٸ بولدى, دەيدٸ.
– بيىل ماقتانىڭ ٶنٸمٸ جاقسى, باعاسى دا جاقسى. شارۋالارىمىزدىڭ تابىسىنىڭ ارتاتىنى قۋانتادى. ونىڭ ٷستٸنە بيىل ەگٸستٸك القاپتارىمىز دا بۇرىن بولماعان اعىن سۋمەن قامتاماسىز ەتٸلدٸ, – دەدٸ وبلىس ەكٸمٸ.
سونىمەن قاتار, وبلىس ەكٸمٸنٸڭ تاپسىرماسىمەن اعىن سۋدى ارتتىرۋ ماقساتىندا سۋ ارنالارىن مەحانيكالىق تازالاۋدان ٶتۋدە. بۇل ٶز كەزەگٸندە سۋارمالى جەرلەردٸڭ اعىن سۋمەن قامتاماسىز ەتٸلۋٸن جاقسارتىپ, جەر استى سۋىن تٶمەندەتٸپ, ەگٸستٸكتٸڭ تۇزدانۋىنىڭ الدىن الىپ, ماقتا داقىلىنىڭ ٶنٸمدٸلٸگٸن ارتتىرادى.
سونىمەن بٸرگە, وتىرىستا وبلىستاعى مٷلٸك يەلەرٸ بٸرلەستٸگٸ بويىنشا سوڭعى مەلٸمەتتەر باياندالدى. تٷركٸستان وبلىسىندا 1482 كٶپپەتەرلٸ تۇرعىن ٷيلەر بار. ونىڭ ٸشٸندە, باسقارۋ ورگاندارىن قۇرۋدى قاجەت ەتەتٸنٸ 1348, قالعان 127 كپتٷ كوممۋنالدىق مەنشٸگٸندە. رەسپۋبليكالىق دەڭگەيدە جٷيەلٸ جۇمىستى ۇيىمداستىرۋ ٷشٸن «Easy project» اقپاراتتىق جٷيەسٸ قۇرىلدى, وعان كٶپپەتەرلٸ تۇرعىن ٷيلەر تۋرالى بارلىق اقپارات جٷكتەلۋٸ تيٸس. وبلىستىڭ بارلىق كٶپپەتەرلٸ ٷيلەرٸ وسى جٷيەگە ەنگٸزٸلەدٸ. كوندومينيۋم نىساندارىن باسقارۋدىڭ جاڭا باعىتىنا كٶشۋ جٶنٸندەگٸ جۇمىستار قازان ايىنىڭ سوڭىنا دەيٸن اياقتاۋ كٶزدەلگەن.
