Ó. Shókeev: «Túrkistan – Elbasynyń jobasy»
– Túrkistandy damytýda ózekti máselelerdiń biri – qala halqyn 100 paiyz tabiǵi gazben jáne sarqyndy sý júiesimen qamtamasyz etý. Sebebi, tabiǵi gazben tolyq qamtý arqyly qalanyń ekologiialyq ahýalyn jaqsarta alamyz, – degen Ómirzaq Estaiuly jazdyń aptap ystyǵynda qolaily klimat qalyptastyrý úshin qalany sýlandyrý men kógaldandyrýdy qolǵa alý mindetin atap ótti.
«Qala turǵyndary men jańadan qonystanýshylar tarapynan turǵyn úige degen suranys artýda. Osyǵan sáikes, salynatyn turǵyn úilerdiń sanyn arttyrý jáne syrtqy kelbeti men sapasyna mán berýdi; Turǵyn úilerdiń injenerlik-infraqurylymmen (abattandyrý, gaz, sý, káriz, elektr jaryǵy, jylý, bailanys toraby, t.b.) tolyqtai qamtamasyz etýimiz kerek».
Basty maqsat – Túrkistan qalasyn turǵyndary men qonaqtaryna jaily, qaýipsiz, taza, kórikti de ásem qalaǵa ainaldyrý», – dedi Ó. Shókeev.
Aita keteiik, ákimshilik iskerlik ortalyǵynda jalpy aýdany 575,8 myń sharshy metr nemese 7459 páterdi quraityn 156 kópqabatty turǵyn úidiń qurylysy júrgizilýde. 2019 jyldyń qorytyndysymen 32 úidiń qurylysy aiaqtalyp, 1701 páter paidalanýǵa berildi.
Sondai-aq, 2019 jyly qala boiynsha 100 kóshe asfalttalsa, biyl taǵy da 100 kóshege asfalt tóseletin bolady.
Túrkistan oblysy ákiminiń baspasóz qyzmeti
