«تۇركىستان قالاسىنا تاريحي مارتەبە بەرۋ – ەلباسىنىڭ جوباسى ەكەنىن ەستەن شىعارماۋىمىز كەرەك. سول سەبەپتى، تاريحي قالانىڭ ەرەكشەلىگىن ساقتاي وتىرا، ونى زاماناۋي باعىتتا دامىتۋدىڭ نەگىزگى ءۇش باعىتىن جۇزەگە اسىرىپ كەلەمىز. ول ءۇش باعىتتىڭ ءبىرى – تاريحي-مادەني ايماق. ەكىنشىسى – اكىمشىلىك-ىسكەرلىك ورتالىق، ءۇشىنشىسى – ەسكى قالانى جاڭعىرتۋ»، – دەدى وبلىس اكىمى ءو. شوكەيەۆ تۇركىستان  قالاسىنىڭ اكىمى ر. ايۋپوۆتىڭ حالىققا ەسەپ بەرۋ كەزدەسۋىندە.  وبلىس ورتالىعىنىڭ الەۋمەتتىك-ەكونوميكالىق دامۋىنا وڭ باعا بەرگەن ءوڭىر باسشىسى ءبىرقاتار تاپسىرما جۇكتەدى.

– تۇركىستاندى دامىتۋدا وزەكتى ماسەلەلەردىڭ ءبىرى – قالا حالقىن 100 پايىز تابيعي گازبەن جانە سارقىندى سۋ جۇيەسىمەن قامتاماسىز ەتۋ. سەبەبى، تابيعي گازبەن تولىق قامتۋ ارقىلى قالانىڭ ەكولوگيالىق احۋالىن جاقسارتا الامىز، – دەگەن ءومىرزاق ەستاي ۇلى جازدىڭ اپتاپ ىستىعىندا قولايلى كليمات قالىپتاستىرۋ ءۇشىن قالانى سۋلاندىرۋ مەن كوگالداندىرۋدى قولعا الۋ مىندەتىن اتاپ ءوتتى.

«قالا تۇرعىندارى مەن جاڭادان قونىستانۋشىلار تاراپىنان تۇرعىن ۇيگە دەگەن سۇرانىس ارتۋدا. وسىعان سايكەس، سالىناتىن تۇرعىن ۇيلەردىڭ سانىن ارتتىرۋ جانە سىرتقى كەلبەتى مەن ساپاسىنا ءمان بەرۋدى؛ تۇرعىن ۇيلەردىڭ ينجەنەرلىك-ينفراقۇرىلىممەن (اباتتاندىرۋ، گاز، سۋ، كارىز، ەلەكتر جارىعى، جىلۋ، بايلانىس تورابى، ت.ب.) تولىقتاي قامتاماسىز ەتۋىمىز كەرەك».

باستى ماقسات – تۇركىستان قالاسىن تۇرعىندارى مەن قوناقتارىنا جايلى، ءقاۋىپسىز، تازا، كورىكتى دە اسەم قالاعا اينالدىرۋ»، – دەدى ءو. شوكەيەۆ.

ايتا كەتەيىك، اكىمشىلىك ىسكەرلىك ورتالىعىندا جالپى اۋدانى 575،8 مىڭ شارشى مەتر نەمەسە 7459 پاتەردى قۇرايتىن 156 كوپقاباتتى تۇرعىن ءۇيدىڭ قۇرىلىسى جۇرگىزىلۋدە. 2019 جىلدىڭ قورىتىندىسىمەن 32 ءۇيدىڭ قۇرىلىسى اياقتالىپ، 1701 پاتەر پايدالانۋعا بەرىلدى.

سونداي-اق، 2019 جىلى قالا بويىنشا 100 كوشە اسفالتتالسا، بيىل تاعى دا 100 كوشەگە اسفالت توسەلەتىن بولادى.

 

تۇركىستان وبلىسى اكىمىنىڭ باسپا ءسوز قىزمەتى