Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Ó. Shókeev: «Agrarlyq óńirdiń bar múmkindigin paidalanýymyz kerek»

Dalanews
Ó. Shókeev: «Agrarlyq óńirdiń bar múmkindigin paidalanýymyz kerek»
Búgin Túrkistan oblysynyń ákimi Ómirzaq Shókeev jumys saparymen Shardara aýdanyna bardy. Onda eń aldymen Jaýshyqum aýyl okrýgindegi  «Turar» sharýa qojalyǵynyń jumysymen tanysty. 2012 jyly jumysyn bastaǵan qojalyq búginde 95 gektar jerdi igerip, piiaz (35ga),  maqta (45 ga), baqsha (20 ga) daqyldaryn egýmen ainalysady. Seriktestikte 20 adam jumyspen qamtylǵan.

Sharýa qojalyǵynyń jumysymen tanysqan oblys ákimi ónim kólemin arttyrýda jańa tehnologiialardyń jetistigin baiandady.

– Egin sharýashylyǵynda ónimdi arttyrýdyń birden bir tásili – tamshylatyp sýǵarý tehnologiiasyn paidalaný. Sýdy da únemdeý arqyly mol ónim alýǵa bolady. Sondai-aq, usaq sharýa qojalyqtaryn biriktirip, kooperativtendirý qolǵa alý kerek. Bul eń aldymen sharýalar úshin tiimdi. Sonymen qatar, igerilmei jatqan jerler qatań baqylaýda bolýy tiis. Agrarlyq óńir retinde óz múmkindikterimizdi paidalanýymyz qajet, – dedi Ómirzaq Estaiuly.

Sapar aiasynda oblys ákimi Shardara qalasyndaǵy №4 móltek aýdanynyń injenerlik kommýnikatsiialarmen qamtamasyz etý jumysymen tanysty. Budan ózge, «Shardara sý elektr stansasynyń» AQ qaita jańǵyrtý jumystaryn baqylady. 1968 jyly iske qosylǵan stansa 1998 jyly «Shardara GES» AQ bolyp qaita qurylǵan. Qazirgi tańda onda 160-qa jýyq jumys isteidi. Búginde stansa 50 mVt qýat kózin óndirip kelse, qaita jańǵyrtýdan keiin 1 agregattyń qosylý esebinen 57 mVt qýat kózin óndirýde. Barlyq 4 agregat qosylsa,  elektr qýatyn óndirý 126 mVt-qa artatyn bolady.

Budan keiin aimaq basshysy Shardara sý qoimasy bógetinde Sútkent aýylyndaǵy Syrdariia ózeniniń arna baǵyttaý bógetiniń jumysymen tanysty. Bógettiń kólemi - 5200 mln. m3. Sý ótkizý múmkindigi – 200 m3/sekýnd. Sý qoimasynyń paidalaný maqsaty – irrigatsiia, energetika jáne Syrdariia ózeniniń orta aǵysyndaǵy sý tasqyndaryn aldyn alý.

Sondai-aq, Ómirzaq Estaiuly aýdandaǵy "Hamit" aýylsharýashylyq óndiristik kooperativiniń balyq óńdeý zaýytyna aialdady. 2007 jyly qurylǵan óndiris orny búginde 250 adamdy turaqty jumyspen qamtyp otyr. Zaýytqa qajetti shikizat Shardara sý qoimasynan, Atyraý men Araldan tasymaldanyp, qaita óńdelýde. Shyǵarylatyn ónim eksportqa Eýropa elderine baǵyttalǵan. Jylyna 2500 tonna balyq ónimderin óndiredi.

Saparda óńir basshysy Shardara qalasynda týrizmdi damytý baǵytynda atqarylyp jatqan jumystarmen tanysty. Aimaq týrizmin damytýda týristerdi qajetti demalys aimaqtaryn kóbeitip, qyzmet kórsetý sapasyn arttyrý qajettigin tapsyrdy.



Túrkistan oblysy ákiminiń baspasóz qyzmeti

 
Ómirzaq Shókeev energetika Shardara sý qoimasy Shardara «Turar» sharýa qojalyǵy túrkistan oblysy irrigatsiia Ómirzaq Estaiuly "Hamit" aýylsharýashylyq óndiristik kooperativi Shardara GES Agrarlyq óńir Madina Sádýaqasova

Oqi otyryńyz