شارۋا قوجالىعىنىڭ جۇمىسىمەن تانىسقان وبلىس ەكٸمٸ ٶنٸم كٶلەمٸن ارتتىرۋدا جاڭا تەحنولوگييالاردىڭ جەتٸستٸگٸن باياندادى.
ساپار اياسىندا وبلىس ەكٸمٸ شاردارا قالاسىنداعى №4 مٶلتەك اۋدانىنىڭ ينجەنەرلٸك كوممۋنيكاتسييالارمەن قامتاماسىز ەتۋ جۇمىسىمەن تانىستى. بۇدان ٶزگە, «شاردارا سۋ ەلەكتر ستانساسىنىڭ» اق قايتا جاڭعىرتۋ جۇمىستارىن باقىلادى. 1968 جىلى ٸسكە قوسىلعان ستانسا 1998 جىلى «شاردارا گەس» اق بولىپ قايتا قۇرىلعان. قازٸرگٸ تاڭدا وندا 160-قا جۋىق جۇمىس ٸستەيدٸ. بٷگٸندە ستانسا 50 مۆت قۋات كٶزٸن ٶندٸرٸپ كەلسە, قايتا جاڭعىرتۋدان كەيٸن 1 اگرەگاتتىڭ قوسىلۋ ەسەبٸنەن 57 مۆت قۋات كٶزٸن ٶندٸرۋدە. بارلىق 4 اگرەگات قوسىلسا, ەلەكتر قۋاتىن ٶندٸرۋ 126 مۆت-قا ارتاتىن بولادى.
سونداي-اق, ٶمٸرزاق ەستايۇلى اۋدانداعى "حاميت" اۋىلشارۋاشىلىق ٶندٸرٸستٸك كووپەراتيۆٸنٸڭ بالىق ٶڭدەۋ زاۋىتىنا ايالدادى. 2007 جىلى قۇرىلعان ٶندٸرٸس ورنى بٷگٸندە 250 ادامدى تۇراقتى جۇمىسپەن قامتىپ وتىر. زاۋىتقا قاجەتتٸ شيكٸزات شاردارا سۋ قويماسىنان, اتىراۋ مەن ارالدان تاسىمالدانىپ, قايتا ٶڭدەلۋدە. شىعارىلاتىن ٶنٸم ەكسپورتقا ەۋروپا ەلدەرٸنە باعىتتالعان. جىلىنا 2500 توننا بالىق ٶنٸمدەرٸن ٶندٸرەدٸ.
ساپاردا ٶڭٸر باسشىسى شاردارا قالاسىندا تۋريزمدٸ دامىتۋ باعىتىندا اتقارىلىپ جاتقان جۇمىستارمەن تانىستى. ايماق تۋريزمٸن دامىتۋدا تۋريستەردٸ قاجەتتٸ دەمالىس ايماقتارىن كٶبەيتٸپ, قىزمەت كٶرسەتۋ ساپاسىن ارتتىرۋ قاجەتتٸگٸن تاپسىردى.
تٷركٸستان وبلىسى ەكٸمٸنٸڭ باسپاسٶز قىزمەتٸ
