شارۋا قوجالىعىنىڭ جۇمىسىمەن تانىسقان وبلىس اكىمى ءونىم كولەمىن ارتتىرۋدا جاڭا تەحنولوگيالاردىڭ جەتىستىگىن باياندادى.
– ەگىن شارۋاشىلىعىندا ءونىمدى ارتتىرۋدىڭ بىردەن ءبىر ءتاسىلى – تامشىلاتىپ سۋعارۋ تەحنولوگياسىن پايدالانۋ. سۋدى دا ۇنەمدەۋ ارقىلى مول ءونىم الۋعا بولادى. سونداي-اق، ۇساق شارۋا قوجالىقتارىن بىرىكتىرىپ، كووپەراتيۆتەندىرۋ قولعا الۋ كەرەك. بۇل ەڭ الدىمەن شارۋالار ءۇشىن ءتيىمدى. سونىمەن قاتار، يگەرىلمەي جاتقان جەرلەر قاتاڭ باقىلاۋدا بولۋى ءتيىس. اگرارلىق ءوڭىر رەتىندە ءوز مۇمكىندىكتەرىمىزدى پايدالانۋىمىز قاجەت، – دەدى ءومىرزاق ەستاي ۇلى.
ساپار اياسىندا وبلىس اكىمى شاردارا قالاسىنداعى №4 مولتەك اۋدانىنىڭ ينجەنەرلىك كوممۋنيكاسيالارمەن قامتاماسىز ەتۋ جۇمىسىمەن تانىستى. بۇدان وزگە، «شاردارا سۋ ەلەكتر ستانساسىنىڭ» اق قايتا جاڭعىرتۋ جۇمىستارىن باقىلادى. 1968 جىلى ىسكە قوسىلعان ستانسا 1998 جىلى «شاردارا گەس» اق بولىپ قايتا قۇرىلعان. قازىرگى تاڭدا وندا 160-قا جۋىق جۇمىس ىستەيدى. بۇگىندە ستانسا 50 مۆت قۋات كوزىن ءوندىرىپ كەلسە، قايتا جاڭعىرتۋدان كەيىن 1 اگرەگاتتىڭ قوسىلۋ ەسەبىنەن 57 مۆت قۋات كوزىن وندىرۋدە. بارلىق 4 اگرەگات قوسىلسا، ەلەكتر قۋاتىن ءوندىرۋ 126 مۆت-قا ارتاتىن بولادى.
بۇدان كەيىن ايماق باسشىسى شاردارا سۋ قويماسى بوگەتىندە سۇتكەنت اۋىلىنداعى سىرداريا وزەنىنىڭ ارنا باعىتتاۋ بوگەتىنىڭ جۇمىسىمەن تانىستى. بوگەتتىڭ كولەمى - 5200 ملن. م3. سۋ وتكىزۋ مۇمكىندىگى – 200 م3/سەكۋند. سۋ قويماسىنىڭ پايدالانۋ ماقساتى – يرريگاسيا، ەنەرگەتيكا جانە سىرداريا وزەنىنىڭ ورتا اعىسىنداعى سۋ تاسقىندارىن الدىن الۋ.
سونداي-اق، ءومىرزاق ەستاي ۇلى اۋدانداعى "حاميت" اۋىلشارۋاشىلىق وندىرىستىك كووپەراتيۆىنىڭ بالىق وڭدەۋ زاۋىتىنا ايالدادى. 2007 جىلى قۇرىلعان ءوندىرىس ورنى بۇگىندە 250 ادامدى تۇراقتى جۇمىسپەن قامتىپ وتىر. زاۋىتقا قاجەتتى شيكىزات شاردارا سۋ قويماسىنان، اتىراۋ مەن ارالدان تاسىمالدانىپ، قايتا وڭدەلۋدە. شىعارىلاتىن ءونىم ەكسپورتقا ەۋروپا ەلدەرىنە باعىتتالعان. جىلىنا 2500 توننا بالىق ونىمدەرىن وندىرەدى.
ساپاردا ءوڭىر باسشىسى شاردارا قالاسىندا ءتۋريزمدى دامىتۋ باعىتىندا اتقارىلىپ جاتقان جۇمىستارمەن تانىستى. ايماق ءتۋريزمىن دامىتۋدا تۋريستەردى قاجەتتى دەمالىس ايماقتارىن كوبەيتىپ، قىزمەت كورسەتۋ ساپاسىن ارتتىرۋ قاجەتتىگىن تاپسىردى.
تۇركىستان وبلىسى اكىمىنىڭ باسپا ءسوز قىزمەتى
