Kir jýǵyshtardy tilge tiek etkenimiz tegin emes. Soǵysqa deiin: 2021 jyly Qazaqstannan Reseige birde-bir «stiralki» jóneltilmegen. Byltyr bul kórsetkish 100 myńnan asyp jyǵylǵan!
Muny Bórel myrza bilmeidi emes, biledi. Nurtileýmen aýyr áńgime órbitken Batys diplomaty sanktsiianyń 11-shi paketi Qazaqstandy da sharpyp ótýi múmkin degen qaýpin jetkizgen.
Briýsseldiń embargasyn ainalyp ótýge «atsalysyp» kelgenimizdi rastaityn aiǵaq baryn aitqan.
Nurtileýdiń Briýssel sapary Bórelmen ǵana shektelgen joq. Qazaq diplomaty Batystaǵy basqa da bedeldi tulǵalarmen jabyq esik jaǵdaiynda júzdesip, Toqaevtyń tusyndaǵy oń ózgerister týraly esep bergen.
Aqordanyń Ýkrainanyń aýmaqtyq tutastyǵyna qurmetpen qaraitynyn kezekti ret eske salǵan.
Sonyń ishinde: berillii, tantal, niobii sekildi aeroǵarysh, elektronika óndirisine aýadai qajet sirek metaldar bar.
Nurtileý men Batys diplomattary Eýroodaq ókilderi men Qazaqstan biliginiń arasynda jedel aqparat almasatyn bailanys kanalyn qurýǵa ýaǵdalasqan. SIM basshysy Batys sanktsiialary endi endi eńse tiktei bastaǵan eldi eseńgiretip keterin eskertken.
Reseidiń túbine jetetin 11 pakettiń qarsańynda Briýsseldegi biýrokrattarmen til tabysyp qaitqan Nurtileý «osy jolǵy sanktsiia Qazaqstandy da qamtidy» degen qaýiptiń aldyn alǵandai.
Al, Máskeý she?
Reseide: "Astana Batystyń lagerine ótti..." degen pikir beleń alyp tur. SIM basshynyń saparynan keiin buǵan birjola bekigen Kreml aldaǵy ýaqytta "Qazaqstandy sabasyna túsirý" operatsiiasyn qolǵa almaq.
"Reseiden alshaqtaýdyń sońy sanktsiiaǵa qaraǵanda áldeqaida aýyr zardapqa alyp kelerin eskertemiz. Batys Orta Aziiaǵa tumsyq tyǵýyn doǵarmasa kontrshara qabyldaýǵa týra keledi», – deidi osy tusta Lavrovtyń orynbasary Mihail Galýzin.
Kontrshara? Demek, bizdi provokatsiianyń jańa portsiiasy kútip tur.
❗️ Aitpaqshy, «Rosatomynyń» elimizdegi ýranǵa bai kenishterdi qalai ielenip alǵanyn tómendegi siltemege ótip bile júrińiz. Jákishev bolǵanda muny biride bolmas edi, ókinishti.
Silteme: https://t.me/dalainside/1324
https://dalanews.kz/news/89487-adiletti-qogam-formulasy
