كىر جۋعىشتاردى تىلگە تيەك ەتكەنىمىز تەگىن ەمەس. سوعىسقا دەيىن: 2021 جىلى قازاقستاننان رەسەيگە بىردە-بىر «ستيرالكى» جونەلتىلمەگەن. بىلتىر بۇل كورسەتكىش 100 مىڭنان اسىپ جىعىلعان!
مۇنى بورەل مىرزا بىلمەيدى ەمەس، بىلەدى. نۇرتىلەۋمەن اۋىر اڭگىمە وربىتكەن باتىس ديپلوماتى سانكسيانىڭ 11ء-شى پاكەتى قازاقستاندى دا شارپىپ ءوتۋى مۇمكىن دەگەن ءقاۋپىن جەتكىزگەن.
بريۋسسەلدىڭ ەمبارگاسىن اينالىپ وتۋگە «اتسالىسىپ» كەلگەنىمىزدى راستايتىن ايعاق بارىن ايتقان.
نۇرتىلەۋدىڭ بريۋسسەل ساپارى بورەلمەن عانا شەكتەلگەن جوق. قازاق ديپلوماتى باتىستاعى باسقا دا بەدەلدى تۇلعالارمەن جابىق ەسىك جاعدايىندا جۇزدەسىپ، توقايەۆتىڭ تۇسىنداعى وڭ وزگەرىستەر تۋرالى ەسەپ بەرگەن.
اقوردانىڭ ۋكراينانىڭ اۋماقتىق تۇتاستىعىنا قۇرمەتپەن قارايتىنىن كەزەكتى رەت ەسكە سالعان.
![](/uploads/images/20240127155717643.jpg)
سونىڭ ىشىندە: بەريلليي، تانتال، نيوبيي سەكىلدى اەروعارىش، ەلەكترونيكا وندىرىسىنە اۋاداي قاجەت سيرەك مەتالدار بار.
نۇرتىلەۋ مەن باتىس ديپلوماتتارى ەۋرووداق وكىلدەرى مەن قازاقستان بيلىگىنىڭ اراسىندا جەدەل اقپارات الماساتىن بايلانىس كانالىن قۇرۋعا ۋاعدالاسقان. ءسىم باسشىسى باتىس سانكسيالارى ەندى ەندى ەڭسە تىكتەي باستاعان ەلدى ەسەڭگىرەتىپ كەتەرىن ەسكەرتكەن.
رەسەيدىڭ تۇبىنە جەتەتىن 11 پاكەتتىڭ قارساڭىندا بريۋسسەلدەگى بيۋروكراتتارمەن ءتىل تابىسىپ قايتقان نۇرتىلەۋ «وسى جولعى سانكسيا قازاقستاندى دا قامتيدى» دەگەن ءقاۋىپتىڭ الدىن العانداي.
ال، ماسكەۋ شە؟
رەسەيدە: "استانا باتىستىڭ لاگەرىنە ءوتتى..." دەگەن پىكىر بەلەڭ الىپ تۇر. ءسىم باسشىنىڭ ساپارىنان كەيىن بۇعان ءبىرجولا بەكىگەن كرەمل الداعى ۋاقىتتا "قازاقستاندى ساباسىنا ءتۇسىرۋ" وپەراسياسىن قولعا الماق.
"رەسەيدەن الشاقتاۋدىڭ سوڭى سانكسياعا قاراعاندا الدەقايدا اۋىر زارداپقا الىپ كەلەرىن ەسكەرتەمىز. باتىس ورتا ازياعا تۇمسىق تىعۋىن دوعارماسا كونترشارا قابىلداۋعا تۋرا كەلەدى»، – دەيدى وسى تۇستا لاۆروۆتىڭ ورىنباسارى ميحايل گالۋزين.
كونترشارا؟ دەمەك، ءبىزدى پروۆوكاسيانىڭ جاڭا پورسياسى كۇتىپ تۇر.
❗️ ايتپاقشى، «روساتومىنىڭ» ەلىمىزدەگى ۋرانعا باي كەنىشتەردى قالاي يەلەنىپ العانىن تومەندەگى سىلتەمەگە ءوتىپ بىلە ءجۇرىڭىز. جاكىشيەۆ بولعاندا مۇنى بىرىدە بولماس ەدى، وكىنىشتى.
سىلتەمە: https://t.me/dalainside/1324
https://dalanews.kz/news/89487-adiletti-qogam-formulasy