Abai oblysy ákimi Nurlan Uranhaev «Aqshyń» saýda úiiniń kásipkerlerimen kezdesti. Jinyǵa TJD, Politsiia departamentiniń ókilderi, oblys ákimdigi basqarmalarynyń basshylary men qala turǵyndary qatysty, – dep habarlaidy Dalanews.kz Abai oblysy ákiminiń baspasóz qyzmetine silteme jasap.
Qazirgi ýaqytta órtten zardap shekken kásipkerlerge memleket tarapynan qajetti qoldaý sharalary qarastyrylýda. Kásipkerlerdiń quqyǵyn qorǵaý, týyndaǵan máseleni sheshýmen ainalysatyn «jumys jáne jedel-tergeý» toby qurylǵan.
– Men sizderge qoldaý jasalatynyn jáne bul jaǵdaiǵa bailanysty jan-jaqty ashyq sheshim qabyldaýǵa kepildik beremin. Memlekettik kómektiń barlyq tetikteri usynatyn bolamyz. Aldaǵy ýaqytta arnaiy qor qurylday. Óitkeni jergilikti kásipkerlerde sizderge kómektesýge nietti. Biz jaǵdai rettelgenshe óz taýarlaryńyzdy satatyn 13 saýda ornyn usynamyz, – dedi oblys ákimi Nurlan Uranhaev.
Aita keteiik, Semei qalasyndaǵy iri «Aqshyń» saýda ortalyǵyndaǵy órtke qatysty jaǵdai QR Úkimetiniń jáne oblys ákiminiń jeke baqylaýynda.
