Shyǵys Qazaqstan oblysynda «Qazaqstannyń jańa Konstitýtsiiasy: institýtsionaldyq ózgerister jáne quqyqtyq memleketti damytý» atty ǵylymi-tájiribelik konferentsiia ótti. Aýqymdy basqosýǵa sot júiesiniń, quqyq qorǵaý organdarynyń ókilderi, depýtattar, ǵylymi qaýymdastyq músheleri men azamattyq sektor ókilderi qatysty, dep habarlaidy dalanews.kz.
Plenarlyq otyrysty ashqan Shyǵys Qazaqstan oblysynyń ákimi Nurymbet Saqtaǵanov konstitýtsiialyq reformalardyń memlekettilikti nyǵaitýdaǵy jáne Ádiletti Qazaqstan qurýdaǵy airyqsha mańyzyn atap ótti.
«Konstitýtsiia – jai ǵana Ata zań emes. Bul – qoǵamdyq kelisimniń negizi, azamattardyń quqyqtary men bostandyqtarynyń kepili, el turaqtylyǵy men strategiialyq damýynyń tiregi», – dedi aimaq basshysy.
Sóz barysynda «Zań jáne tártip» qaǵidatyna da erekshe nazar aýdaryldy. Bul ustanym búgingi memlekettik saiasattyń negizgi baǵyttarynyń biri ekeni aityldy.
«Búginde bizdiń aldymyzda zańnyń oryndalýyn qamtamasyz etip qana qoimai, joǵary quqyqtyq mádenietti qalyptastyrý, qoǵamdaǵy jaýapkershilik pen azamattyq sanany nyǵaitý mindeti tur», – dedi Nurymbet Saqtaǵanov.
Oblys ákimi jastardy el damýyna belsendi tartýdyń mańyzdylyǵyna da toqtaldy. Onyń aitýynsha, jas býyn Konstitýtsiiany formaldy qujat retinde emes, óz quqyqtary men múmkindikterin qorǵaityn naqty tetik retinde qabyldaýy qajet.
Konferentsiia barysynda Qazaqstan Konstitýtsiialyq Soty Tóraǵasynyń orynbasary Baqyt Nurmuhanov baiandama jasap, azamattardyń konstitýtsiialyq quqyqtaryn qorǵaýdyń naqty tájiribesine toqtaldy. Ol buryn ShQO-nyń Ulan aýdanynda turǵan, keiin basqa memlekettiń azamattyǵyn alǵan áieldiń zeinetaqy tólemderin rásimdeý kezinde týyndaǵan máseleniń qaralǵanyn mysalǵa keltirdi.
Bul jaǵdai sot júiesi men konstitýtsiialyq baqylaý institýttarynyń tiimdi ózara is-qimyly nátijesinde azamattardyń quqyqtary is júzinde qorǵalyp, zań aiasynda sheshim tabatynyn kórsetti.
Baiandamashynyń sózinshe, dál osyndai tetikter qoǵamnyń ádildikke, zańdylyqqa jáne quqyq ústemdigi qaǵidattaryna degen senimin nyǵaitady.
Sondai-aq sharaǵa Parlament Májilisiniń depýtaty, zań ǵylymdarynyń doktory Únzila Shapaq, Ádilet ministrligi janyndaǵy Parlamentarizm institýtynyń atqarýshy direktory Almas Qanatov jáne óńirdiń sot ári quqyq qorǵaý júiesiniń ókilderi qatysty.
Qatysýshylar konstitýtsiialyq baqylaýdy damytý, adam quqyqtarynyń kepildikterin kúsheitý, memlekettik basqarý júiesin jetildirý jáne qoǵamdaǵy quqyqtyq institýttardyń rólin arttyrý máselelerin talqylady.
Jiynda Memleket basshysy Qasym-Jomart Toqaevtyń ashyqtyq, ádildik jáne zań ústemdigi qaǵidattaryn nyǵaitýǵa baǵyttalǵan saiasi reformalarynyń mańyzdylyǵy da erekshe atalyp ótti.
Konferentsiia aiasynda «Ádiletti Qazaqstannyń jańa Konstitýtsiiasy» atty stýdentter arasyndaǵy onlain-baiqaýdyń jeńimpazdary marapattaldy.
Shyǵys Qazaqstan oblysynda jańa konstitýtsiialyq reformalardyń mańyzyn túsindirý baǵytyndaǵy jumystar aldaǵy ýaqytta da jalǵasady.
