نۇرلان ۇرانحايەۆ ساۋدا ۇيىندەگى ورتتەن زارداپ شەككەن كاسىپكەرلەرگە قولداۋ كورسەتىلەتىنىن ايتتى

Dalanews 08 اقپ. 2024 13:14 2747

اباي وبلىسى اكىمى نۇرلان ۇرانحايەۆ «اقشىڭ» ساۋدا ءۇيىنىڭ كاسىپكەرلەرىمەن كەزدەستى. جينىعا تجد، پوليسيا دەپارتامەنتىنىڭ وكىلدەرى، وبلىس اكىمدىگى باسقارمالارىنىڭ باسشىلارى مەن قالا تۇرعىندارى قاتىستى، – دەپ حابارلايدى Dalanews.kz اباي وبلىسى اكىمىنىڭ باسپا ءسوز قىزمەتىنە سىلتەمە جاساپ.

قازىرگى ۋاقىتتا ورتتەن زارداپ شەككەن كاسىپكەرلەرگە مەملەكەت تاراپىنان قاجەتتى قولداۋ شارالارى قاراستىرىلۋدا. كاسىپكەرلەردىڭ قۇقىعىن قورعاۋ، تۋىنداعان ماسەلەنى شەشۋمەن اينالىساتىن «جۇمىس جانە جەدەل-تەرگەۋ» توبى قۇرىلعان.

– مەن سىزدەرگە قولداۋ جاسالاتىنىن جانە بۇل جاعدايعا بايلانىستى  جان-جاقتى اشىق شەشىم قابىلداۋعا كەپىلدىك بەرەمىن. مەملەكەتتىك كومەكتىڭ بارلىق تەتىكتەرى ۇسىناتىن بولامىز. الداعى ۋاقىتتا ارنايى قور قۇرىلداى. ويتكەنى جەرگىلىكتى كاسىپكەرلەردە سىزدەرگە كومەكتەسۋگە نيەتتى. ءبىز جاعداي رەتتەلگەنشە ءوز تاۋارلارىڭىزدى ساتاتىن 13 ساۋدا ورنىن ۇسىنامىز، – دەدى وبلىس اكىمى نۇرلان ۇرانحايەۆ.

كەزدەسۋ بارىسىندا مەملەكەتتىك ورگاندارمەن بىرلەسىپ، بارلىق ماسەلەلەردى قاراستىراتىن كاسىپكەرلەردەن باستاماشىل توپ قۇرۋ ۇسىنىلدى.

ايتا كەتەيىك، سەمەي قالاسىنداعى ءىرى «اقشىڭ» ساۋدا ورتالىعىنداعى ورتكە قاتىستى جاعداي ق ر ۇكىمەتىنىڭ جانە وبلىس اكىمىنىڭ جەكە باقىلاۋىندا.


ۇسىنىلعان
سوڭعى جاڭالىقتار
x