Biylǵy jartyjyldyqta joǵary kórsetkishterge qol jetkizgen oblysta Besqaraǵai aýdanynyń úlesi de bar. Aýdanda taý-ken ónerkásibi salasynda «GRK Elektrým», «Semei Orda», «Qaznikel» óńdeý ónerkásibinde «Lesresýrs» jaýapkershiligi shekteýli seriktestikteri jumys jasaidy.
– Agroónerkásip kesheni biylǵy alty aida 22,2 paiyzǵa ósti. Osy kezeń ishinde ónerkásipte óndirilgen 670 mlrd teńgeden astam ónim kóleminiń 870,7 mln. teńgesi Besqaraǵai aýdanyna tiesili. Sonymen qatar oblysqa tartylǵan 230 mlrd teńge shamasyndaǵy investitsiia kóleminiń 2,6 mlrd teńgesi de aýdannyń úlesine tiip otyr. Qazirgi kórsetkish boiynsha investitsiia tartýdan oblystaǵy ósim 154,2%-dy quraidy, – dedi oblys basshysy.
Besqaraǵai aýdanynda jaǵajai jáne emdik-saýyqtyrý týrizmin damytýdyń áleýeti zor. Shipaly «Shoshqaly» kólinen basqa, «Sviatoi kliých» orny, «Elimai» demalys bazasy, «Jas qanat», «Radýga» balalardy saýyqtyrý lagerleri ornalasqan. Sondyqtan bul jerde týrizm jáne saýyqtyrý baǵytynda júieli jumystar qajet.
«Aýyl – el besigi» jobasy aiasynda 511 mln. teńgege 4 mádeniet mekemesin qaita jańartyp, jóndeý jumystaryn júrgizý josparlanǵan. Sondai-aq aýdandyq mádeniet úiiniń ǵimaratyn aǵymdaǵy jóndeýge oblystyq biýdjetten 55,7 mln. teńge bólindi, – dep atap ótti Nurlan Uranhaev.
Oblysta oqýshy orynynyń tapshylyǵy máselesi bar. Oryn tapshylyǵyn «Jaily mektep» ulttyq jobasy aiasynda 5700 oryndyq 11 mektep salý jáne 2100 oryndyq 6 mektepke qosymsha qurylys júrgizý arqyly sheshý josparlanǵan.
Byltyr 1700 orynǵa arnalǵan 4 mektep paidalanýǵa berilgen. Onyń qatarynda Besqaraǵai aýdanynyń Jylandy aýylyndaǵy mektep te bar.
Kezdesýden keiin oblys basshysy Besqaraǵai aýdanynyń turǵyndarymen jeke qabyldaý ótkizip, suraqtaryna jaýap berdi.
