بيىلعى جارتىجىلدىقتا جوعارى كورسەتكىشتەرگە قول جەتكىزگەن وبلىستا بەسقاراعاي اۋدانىنىڭ ۇلەسى دە بار. اۋداندا تاۋ-كەن ونەركاسىبى سالاسىندا «گرك ەلەكترۋم»، «سەمەي وردا»، «قازنيكەل» وڭدەۋ ونەركاسىبىندە «لەسرەسۋرس» جاۋاپكەرشىلىگى شەكتەۋلى سەرىكتەستىكتەرى جۇمىس جاسايدى.
– اگروونەركاسىپ كەشەنى بيىلعى التى ايدا 22،2 پايىزعا ءوستى. وسى كەزەڭ ىشىندە ونەركاسىپتە وندىرىلگەن 670 ملرد تەڭگەدەن استام ءونىم كولەمىنىڭ 870،7 ملن. تەڭگەسى بەسقاراعاي اۋدانىنا تيەسىلى. سونىمەن قاتار وبلىسقا تارتىلعان 230 ملرد تەڭگە شاماسىنداعى ينۆەستيسيا كولەمىنىڭ 2،6 ملرد تەڭگەسى دە اۋداننىڭ ۇلەسىنە ءتيىپ وتىر. قازىرگى كورسەتكىش بويىنشا ينۆەستيسيا تارتۋدان وبلىستاعى ءوسىم 154،2%-دى قۇرايدى، – دەدى وبلىس باسشىسى.
بەسقاراعاي اۋدانىندا جاعاجاي جانە ەمدىك-ساۋىقتىرۋ ءتۋريزمىن دامىتۋدىڭ الەۋەتى زور. شيپالى «شوشقالى» كولىنەن باسقا، «سۆياتوي كليۋچ» ورنى، «ەلىماي» دەمالىس بازاسى، «جاس قانات»، «رادۋگا» بالالاردى ساۋىقتىرۋ لاگەرلەرى ورنالاسقان. سوندىقتان بۇل جەردە تۋريزم جانە ساۋىقتىرۋ باعىتىندا جۇيەلى جۇمىستار قاجەت.
– ءبىرىنشى جارتى جىلدىقتا وبلىس تۇرعىندارى 130 مىڭ شارشى مەتردەن استام تۇرعىن ۇيگە قونىستاندى. بەسقاراعاي تۇرعىندارىنىڭ يگىلىگىنە 2 مىڭنان استام شارشى مەتر تۇرعىن ءۇي بەرىلدى. «اۋىلدىق دەنساۋلىق ساقتاۋدى جاڭعىرتۋ» پيلوتتىق جوباسى شەڭبەرىندە 65 مەديسينالىق نىسان سالۋ جوسپارلانعان. اۋداندىق اۋرۋحاناعا مەديسينالىق تەحنيكانى ساتىپ الۋعا 45،4 ملن تەڭگە قاراستىرىلىپ وتىر.
«اۋىل – ەل بەسىگى» جوباسى اياسىندا 511 ملن. تەڭگەگە 4 مادەنيەت مەكەمەسىن قايتا جاڭارتىپ، جوندەۋ جۇمىستارىن جۇرگىزۋ جوسپارلانعان. سونداي-اق اۋداندىق مادەنيەت ءۇيىنىڭ عيماراتىن اعىمداعى جوندەۋگە وبلىستىق بيۋدجەتتەن 55،7 ملن. تەڭگە ءبولىندى، – دەپ اتاپ ءوتتى نۇرلان ۇرانحايەۆ.
وبلىستا وقۋشى ورىنىنىڭ تاپشىلىعى ماسەلەسى بار. ورىن تاپشىلىعىن «جايلى مەكتەپ» ۇلتتىق جوباسى اياسىندا 5700 ورىندىق 11 مەكتەپ سالۋ جانە 2100 ورىندىق 6 مەكتەپكە قوسىمشا قۇرىلىس جۇرگىزۋ ارقىلى شەشۋ جوسپارلانعان.
بىلتىر 1700 ورىنعا ارنالعان 4 مەكتەپ پايدالانۋعا بەرىلگەن. ونىڭ قاتارىندا بەسقاراعاي اۋدانىنىڭ جىلاندى اۋىلىنداعى مەكتەپ تە بار.
اۋدانداعى كەيبىر ءبىلىم بەرۋ مەكەمەلەرىن سالۋ، جوندەۋ جۇمىستارىن جۇرگىزۋ، موديفيكاسيالانعان كابينەتتەردى ساتىپ الۋعا باعىتتالعان شارالار وبلىستى دامىتۋدىڭ 2026 جىلعا دەيىنگى كەشەندى جوسپارىنا ەنگىزىلگەن.
كەزدەسۋدەن كەيىن وبلىس باسشىسى بەسقاراعاي اۋدانىنىڭ تۇرعىندارىمەن جەكە قابىلداۋ وتكىزىپ، سۇراقتارىنا جاۋاپ بەردى.
