Mańǵystaý oblysynyń ákimi Nurdáýlet Qilybaidyń tóraǵalyǵymen ótken apparattyq jiynda Jańaózen qalasynyń ákimi Janseiit Qainarbaev ótken jyly atqarylǵan jumystar men aldaǵy josparlar týraly baiandama jasady,- dep habarlaidy Dalanews.kz
Janseiit Qainarbaevtyń aitýynsha, halyqtyń áleýmettik osal toptaryn turǵyn úimen qamtamasyz etý, sonyń ishinde apatty úiler máselesin sheshý maqsatynda Otbasy banki arqyly «Shańyraq», «Naýryz», «Otaý» baǵdarlamalary aiasynda 32 azamat turǵyn úi sertifikatyn alyp, baspana kiltine ie boldy.
Jańaózende jáne jaqyn mańdaǵy eldimekenderde aýyz sý tapshylyǵy máselesin sheshý maqsatynda táýligine 50 myń tekshe metr sý tushylandyratyn «Kendirli» zaýytynyń qurylysy júrip jatyr.
"Qaladaǵy sýmen jabdyqtaý jáne káriz júielerin jańartý jumystary jalǵasyp jatyr. Qazirgi ýaqytta «Qoldanystaǵy sýmen jabdyqtaý jáne káriz jelilerin keńeitý» jobasy júzege asyrylýda. Joba nátijesinde sý jelileriniń tozý deńgeii 60%-dan 57%-ǵa, al káriz jelileriniń tozý deńgeii 90%-dan 68,8%-ǵa deiin tómendeidi. Sondai-aq, Teńge aýylyndaǵy sý qubyry jelileri 715,8 shaqyrymnan 723,4 shaqyrymǵa deiin artady", - dedi Janseiit Qainarbaev.
Bilim berý salasy boiynsha «Aýyl – El besigi» jobasy aiasynda Rahat aýylyndaǵy №18 mektepke 300 oqýshyǵa arnalǵan japsarjaidyń qurylysy júrip jatyr.
Sondai-aq, «Jaily mektep» ulttyq jobasy sheńberinde Rahat aýylynyń «Merei» shaǵynaýdanynda 1200 oryndyq mekteptiń qurylysy júrip jatyr. Bul nysandardy 2025 jyldyń qyrkúiek aiynda aiaqtaý josparlanǵan.
Jeke investitsiia esebinen Qyzylsai aýylynda 500 oqýshyǵa arnalǵan bastaýysh mektep, al «ÓzenMunaiGaz» AQ qarajaty esebinen «Oqýshylar saraiy» salynýda.
Janseiit Qainarbaevtyń aitýynsha, biyl Jańaózende áleýmettik nysandardyń qurylysy, sý jáne káriz jelileriniń tozýyn tómendetý, elektrmen jabdyqtaý jáne avtomobil joldaryn salý boiynsha birqatar jobalardy iske asyrý josparlanyp otyr.
Jiyn barysynda oblys ákimi Nurdáýlet Qilybai turǵyndar úshin eń qajetti jobalarǵa basymdyq berý kerektigin atap ótip, qarajatty maqsatty ári tiimdi paidalanýdyń mańyzdylyǵyn eskertti.
Sondai-aq, óńir basshysy Jańaózen qalasyndaǵy qoqys máselesin qatań synǵa alyp, qala ákimi Janseiit Qainarbaevqa shahar aýmaǵyn, qasietti oryndarǵa aparatyn joldar men olardyń ainalasyn qoqystan tazartýdy tapsyrdy.
