İshki ister mınıstriniń orynbasary Igor Lepóha Nuraıdyń isine qatysty vıdeo taratqan polısıa qyzmetkeriniń áreketine quqyqtyq baǵa beriletinin málimdedi, dep habarlaıdy Dalanews.kz.

Buǵan deıin áleýmettik jelilerde Nuraı Serikbaıdyń vıdeosy taraǵan edi. Aldyn ala málimetke sáıkes vıdeony Shymkenttiń burynǵy polısıa qyzmetkerleri jarıalaǵan bolýy múmkin. Kadrlarda Nuraı Serikbaı ózin kúshtep alyp ketpegenin aıtyp, sol kúni kúdiktiniń kóligine óz erkimen otyrǵanyn jetkizedi. Sondaı-aq, ol er adamǵa eshqandaı shaǵymy joq ekenin aıtady.

29 qańtarda Senat dálizinde jýrnalıser Igor Lepóhadan polısıa qyzmetkeriniń mundaı áreketke quqyǵy bar-joǵyn surady.

"Mundaı áreketke quqyǵy bolǵan joq. Qylmystyq is qozǵaldy. Barlyǵyna quqyqtyq baǵa beriledi", - dep jaýap berdi ol.