Túrkistan oblysynyń ákimi Nuralhan Kósherov Túrkistan týraly Zańnyń mańyzdylyǵyna toqtalyp, ol qalany damytýǵa tyń serpin beretinin atap ótti,- dep habarlaidy Dalanews.kz
Memleket basshysy Qasym-Jomart Toqaev «Túrkistan qalasynyń erekshe mártebesi týraly» Qazaqstan Respýblikasynyń Zańyna qol qoidy. Zańda elimizdiń rýhani, tarihi-mádeni, týristik ortalyǵy jáne sáýlet murasy retindegi Túrkistan qalasynyń erekshe mártebesi bekitilgen. Zań 13 baptan turady. Túrkistan qalasynyń ákimdigi men máslihatyna 44 qosymsha quzyrettilik beriledi.
Qujatta tarihi-mádeni murany saqtaý – Qoja Ahmet Iasaýi kesenesi men basqa da eskertkishterdi qorǵaý, arheologiialyq jáne ǵylymi-restavratsiialyq jumystardy retteý, tarihi-mádeni murany qaita jańǵyrtý jáne ulttyq qolónerdi dáripteý, qorǵaý aimaǵynda biiktigi men sáýleti úilespeitin ǵimarattardy salmaý, arheologiialyq eskertkishterdiń rezervatyn qurý, múgedektigi bar adamdarǵa qoljetimdi infraqurylym jáne inkliýzivti týrizm qurý arqyly qalada jaily orta qalyptastyrý máseleleri engizilgen. Sonymen birge qalanyń biryńǵai kelbetin – sáýlet ereksheligin saqtaý úshin dizain kod engizý, tiimdi basqarý men baqylaý úshin ákimdik pen máslihat ókilettigin keńeitý, memleket tarapynan qolóner sheberlerin qoldaý men kólik tranzitin retteý, týrizmdi damytý jáne turmys sapasyn arttyrýmen qatar qalanyń tarihi ereksheligin saqtaý qarastyrylǵan.
"Memleket basshysy Qasym-Jomart Toqaev Túrkistan óńirine jasaǵan jumys sapary barysynda halyqpen kezdesip, Túrkistanǵa erekshe mártebe berý bastamasyn kótergen bolatyn. Osy baǵytta naqty jumystar qolǵa alynyp, Parlament Májilisi men Senatynan, Memleket basshysynan qoldaý tapty. Prezidentimiz Zańǵa qol qoidy. Bul – Túrkistan qalasy ǵana emes, tutas óńirimiz, elimiz úshin mańyzdy oqiǵa. Bul qujatta tarihi-mádeni murany saqtaý – Qoja Ahmet Iasaýi kesenesi men basqa da eskertkishterdi qorǵaý, arheologiialyq jáne ǵylymi-restavratsiialyq jumystardy retteý, týrizmdi damytý, qalanyń áleýetin kóterý joldary qaralǵan. Túrkistan – yqylym zamannan tarihi ortalyq bolǵan. Qoja Ahmet Iasaýi ǵulama ómir súrgen shaharda izgilik pen bilim nury shashylyp, shartarapqa taraǵan. Qazaq handyǵynyń astanasy retinde ultymyzdyń aibynyn asyryp, halqymyzdyń birligi men erliginiń ordasyna ainalǵan. Sondyqtan bul shahardyń máni de, mańyzy da, bedeli de, mártebesi de árdaiym biik bolatyny anyq. Endi qazaq rýhaniiatynyń temirqazyǵyna ainalǵan kieli mekenniń abyroiy odan saiyn asqaqtap, rýhani jáne tarihi-mádeni muralaryn qorǵaý, keńinen tanytý sharalary odan ári jandana túspek. Túrkistannyń tarihi kelbetin, eskertkishteri men muralaryn saqtap, urpaqqa jetkizý – úlken jaýapkershilik. Tarihy tereńde jatqan Túrkistan qalasyn jan-jaqty damytý baǵytyndaǵy jumystarǵa bar kúsh-jigerimizdi salamyz. Barsha Qazaq elin, Túrkistan jurtshylyǵyn osy tarihi sátpen shyn júrekten quttyqtaimyn! Elimizdiń eńsesi biik bolyp, Túrkistanymyz dami bersin!" – dedi Nuralhan Kósherov.
Óńirde Zańdaǵy bastamalardy júzege asyrý, Túrkistandy damytý baǵytyndaǵy jumystar jandana túspek. Shaharda respýblikalyq, halyqaralyq deńgeidegi týristik is-sharalar uiymdastyrylady.
Aita keteiik, 2018 jyly 19 maýsymda Túrkistan oblysyn qurý týraly Jarlyqqa qol qoiyldy. Osy az ýaqytta shahar damýdyń jańa satysyna kóterildi. Túrkistan qalasynyń halyq sany sońǵy 4 jylda 31,5%-ǵa artyp, 2025 jyldyń 1 qańtarynda 237503 adamdy qurady. Oblys ortalyǵy bolǵaly jalpy óńirlik ónim kólemi 4,5 ese ósip, 2024 jylǵa 452,6 mlrd teńgege jetken. Túrkistan qalasynda memlekettik biýdjetke túsetin túsimniń kólemi 2,8 ese ósip, 2023 jyly 66,2 mlrd teńgege jetse, 2024 jyly 80,1 mlrd teńge tústi. Onyń ishinde salyqtyq túsimder 2,3 ese ósken. Oblys ortalyǵy bolǵaly qala biýdjeti 3 ese ósip, 147,2 mlrd teńgege jetti. Investitsiia kólemi jyl saiyn ósýde. 2023 jyly 323,5 mlrd teńge investitsiia tartylsa, ótken jyly shaharǵa 400,2 mlrd teńge investitsiia tartylyp, jumys qarqyny arta tústi. Arnaiy ekonomikalyq aimaq pen indýstrialdy aimaqta mańyzdy jobalar júzege asyrylyp, zaýyttar salynýda. Ónerkásiptik ónim óndirisiniń kóleminiń kólemi sońǵy úsh jylda 1,7 ese ósip, ótken jyly 34,8 mlrd teńgeni qurady.
Byltyr Túrkistanǵa Túrki áleminiń týristik astanasy mártebesi berilip, birqatar týristik jáne mádeni is-shara ótkizildi. Túrkistan qalasyna birkúndik kelýshi men týrister sany sońǵy úsh jylda 165%-ǵa ósip, 2023 jyly 1015,2 myń adamǵa jetti. Sondai-aq sheteldik birkúndik kelýshi men týrister sany sońǵy úsh jylda birneshe ese ósip, 12,2 myń adamǵa ulǵaiǵan. 2024 jyly aldyn-ala málimet boiynsha Túrkistan qalasyna birkúndik kelýshi men týrister sany 1,1 mln adamdy qurap, 2023 jylmen salystyrǵanda 9,2%-ǵa ósken. Sondai-aq sheteldik birkúndik kelýshi men týrister sany ótken jyly 23,2 myń adamǵa jetip, 2023 jylmen salystyrǵanda 1,9 ese artyp otyr.
