Búgin Túrkistan oblysynyń ákimi Nuralhan Kósherov Túrkistan qalasynyń ishki kóshelerin jóndeý jobalarymen tanysyp, qaladaǵy jóndeý jumystary júrip jatqan kóshelerdi kórdi. Qala ákimi Ázimbek Pazylbekuly men jaýapty basshylar qurylysy júrip jatqan jáne endi bastalatyn jobalar týraly baiandady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysy ákimi Beiimbet Mailin kóshesine kelip, «B.Mailin kóshesin rekonstrýktsiialaý» jobasyn kórdi. Búginde atalǵan qurylystyń jobalyq-smetalyq qujaty daiyn. Biyl júzege asady degen jospar bar. Tapsyrys berýshi – Túrkistan qalasy ákimdiginiń «Jolaýshylar kóligi jáne avtokólik joldary bólimi» memlekettik mekemesi. Joldyń uzyndyǵy – 1,96 shaqyrym. Joba quny – 1 705,8 mln teńge.
Nuralhan Kósherov Á.Jangeldin kóshesine baryp, osynda salynýy josparlanǵan kópirdiń jobasymen tanysty. Kópirdiń uzyndyǵy 1,02 shaqyrym bolsa, joldyń eni – 14 metr bolady dep josparlanǵan. Qurylys quny – 4 453,9 mln teńge. Óńir basshysy atalǵan jobany qaita pysyqtap, júieleýdi tapsyrdy.
Oblys ákimine jobalyq-smetalyq qujaty jasalǵan ári qarjyny talap etetin jol qurylysy nysandarynyń jobalary usynyldy. Olar jan-jaqty saralanyp, qarjylandyrýǵa usynylmaq. Óńir basshysy qurylys jumystaryn sapaly atqarýdy, árbir merdigerdiń jumysyn qadaǵalaýdy tapsyrdy. Sonymen birge qalanyń damýyna oń serpin beretin jobalarǵa basymdyq berý kerektigin aitty.
Búginde Túrkistan qalasy aýmaǵynda 845 shaqyrymdy quraityn 875 kóshe bar. 2024 jyly jaqsy jáne qanaǵatty jaǵdaidaǵy joldyń uzyndyǵy 430,1 shaqyrymǵa (50,9%) jetken. Biyl jalpy qashyqtyǵy 138,5 shaqyrymdy quraityn 159 kóshege ortasha jóndeý jumystaryn júrgizý josparlanýda. Onyń 95,4 shaqyrymdy quraityn 94 kóshesinde vedomstvalyq saraptamanyń oń nátijesi alynyp, 30 kóshesinde jóndeý jumystar bastaý alǵan.
Sonymen qatar qazirgi tańda 43,1 shaqyrymdy quraityn 65 kóshege ortasha jóndeý jumystaryn júrgizý maqsatynda smetalyq qujattama ázirlenip, vedomstvalyq saraptamadan ótkizilýde.
Jalpy joǵaryda atalǵan jumystar tolyq aiaqtalǵannan keiin, 845 shaqyrym joldyń 568,6 shaqyrymy asfalt jabyndysymen qamtylyp, jaqsy jáne qanaǵatty jaǵdaidaǵy joldardyń úlesin 67,3% jetkizý josparlanýda.
