Eks-prezident Nursultan Nazarbaevtyń nemeresi, Rahat Álievtiń uly Nuráli Áliev ákesiniń esimin Qazaqstan fýtbolynyń tarihymen bailanystyrdy, dep habarlaidy Dalanews.kz.
Nuráli Álievtiń aitýynsha, 2002 jyldyń 25 sáýirinde Qazaqstan fýtbol federatsiiasyn basqarǵan Rahat Álievtiń tusynda elimiz Aziia konfederatsiiasynan shyǵyp, resmi túrde ÝEFA-ǵa qabyldandy.
"Sońǵy kúnderi ákem Rahat Álievke qatysty kóp jyly sóz estip jatyrmyn. Bul tegin emes. Ol federatsiiany basqarǵan kezinde Qazaqstan ÝEFA-ǵa kirdi. Sol kezde Mishel Platinimen Stokgolmde ótken kelissózderdi jáne onyń 2005 jyly Almatyǵa alǵash kelýin jaqsy esimde. Ol kezde bári endi bastalyp jatqan…", – dep jazdy ol.
Áliev Almaty ortalyq stadionynda ótken Chempiondar ligasynyń "Qairat" – "Real Madrid" kezdesýin tamashalap, el fýtboly úshin qabyldanǵan sheshimniń strategiialyq mańyzyn erekshe sezingenin aitty.
"Bizdiń almatylyq "Qairat" ÝEFA-nyń eń ataqty klýby "Realǵa" qarsy oinady. Munyń bári – Almatyda! Sol sátte sheshimniń qanshalyqty strategiialyq bolǵanyn shyn sezindim. Jyldar óte kele ol óz jemisin berýde. Maqtanamyn! Bul tarihi sátpen barlyq almatylyqtardy, búkil Qazaqstandy jáne, árine, "Qairat" fýtbol klýbyn quttyqtaimyn! – dedi ol.
Rahat Áliev ár jyldary salyq politsiiasynyń bastyǵy, UQK memlekettik qaýipsizdik qyzmeti bastyǵynyń orynbasary, Avstriiadaǵy elshi, Syrtqy ister ministriniń birinshi orynbasary qyzmetterin atqarǵan. 2007 jyly aiyptaýlardan qashyp elden ketken. 2015 jyly Vena túrmesinde óli kúiinde tabylǵan.
