ەكس-پرەزيدەنت نۇرسۇلتان نازاربايەۆتىڭ نەمەرەسى، راحات الييەۆتىڭ ۇلى ءنۇرالى الييەۆ اكەسىنىڭ ەسىمىن قازاقستان فۋتبولىنىڭ تاريحىمەن بايلانىستىردى، دەپ حابارلايدى Dalanews.kz.
ءنۇرالى الييەۆتىڭ ايتۋىنشا، 2002 جىلدىڭ 25 ساۋىرىندە قازاقستان فۋتبول فەدەراسياسىن باسقارعان راحات الييەۆتىڭ تۇسىندا ەلىمىز ازيا كونفەدەراسياسىنان شىعىپ، رەسمي تۇردە ۋەفا-عا قابىلداندى.
"سوڭعى كۇندەرى اكەم راحات الييەۆكە قاتىستى كوپ جىلى ءسوز ەستىپ جاتىرمىن. بۇل تەگىن ەمەس. ول فەدەراسيانى باسقارعان كەزىندە قازاقستان ۋەفا-عا كىردى. سول كەزدە ميشەل پلاتينيمەن ستوكگولمدە وتكەن كەلىسسوزدەردى جانە ونىڭ 2005 جىلى الماتىعا العاش كەلۋىن جاقسى ەسىمدە. ول كەزدە ءبارى ەندى باستالىپ جاتقان…"، – دەپ جازدى ول.
الييەۆ الماتى ورتالىق ستاديونىندا وتكەن چەمپيوندار ليگاسىنىڭ "قايرات" – "رەال مادريد" كەزدەسۋىن تاماشالاپ، ەل فۋتبولى ءۇشىن قابىلدانعان شەشىمنىڭ ستراتەگيالىق ماڭىزىن ەرەكشە سەزىنگەنىن ايتتى.
"ءبىزدىڭ الماتىلىق "قايرات" ۋەفا-نىڭ ەڭ اتاقتى كلۋبى "رەالعا" قارسى وينادى. مۇنىڭ ءبارى – الماتىدا! سول ساتتە شەشىمنىڭ قانشالىقتى ستراتەگيالىق بولعانىن شىن سەزىندىم. جىلدار وتە كەلە ول ءوز جەمىسىن بەرۋدە. ماقتانامىن! بۇل تاريحي ساتپەن بارلىق الماتىلىقتاردى، بۇكىل قازاقستاندى جانە، ارينە، "قايرات" فۋتبول كلۋبىن قۇتتىقتايمىن! – دەدى ول.
راحات الييەۆ ءار جىلدارى سالىق پوليسياسىنىڭ باستىعى، ۇقك مەملەكەتتىك قاۋىپسىزدىك قىزمەتى باستىعىنىڭ ورىنباسارى، اۆسترياداعى ەلشى، سىرتقى ىستەر ءمينيسترىنىڭ ءبىرىنشى ورىنباسارى قىزمەتتەرىن اتقارعان. 2007 جىلى ايىپتاۋلاردان قاشىپ ەلدەن كەتكەن. 2015 جىلى ۆەنا تۇرمەسىندە ءولى كۇيىندە تابىلعان.
