Shymkentte qaza tapqan Nurai Serikbaidyń isi 6 aidan soń sotqa joldandy, dep habarlaidy dalanews.kz "Jetinshi arnaǵa" siltep.
Jábirlenýshi taraptyń advokatynyń sózinshe, prokýror kúdiktige qatysty aiyptaý aktisin túzip, isti Shymkent qalasynyń qylmystyq ister jónindegi mamandandyrylǵan aýdanaralyq sotyna joldaǵan. Advokat buǵan deiin prokýratýraǵa joldanǵan ótinishhat tek ishinara qanaǵattandyrylǵanyn málimdedi. Oǵan qosa, qyzdy alyp qashýǵa qatysqan kúdiktiniń týystary jaýapqa tartylmaǵan.
"Bul asa aýyr sanattaǵy is bolǵandyqtan, mamandandyrylǵan sot qaraidy. Is kúdiktige qatysty úsh bappen joldandy. Olar - asa qatigezdikpen kisi óltirý, stalking jáne nekege turýǵa májbúrleý baby. Meniń oi-pikirim boiynsha kelesi aptada eń alǵashqy sot otyrysy bastalyp qalýǵa tiis", - dedi advokat Aianhan Omarov.
Marqumnyń týystarynyń endigi talaby - sot otyrystaryn onlain kórsetý.
"Bul - kúdiktiniń jazadan sytylyp ketýine múmkindik bermeitin birden-bir qural", - deidi Nurai Serikbaidyń jaqyndary.
Olar kúdikti ómir boiyna sottalýyn talap etip otyr.
