شىمكەنتتە قازا تاپقان نۇراي سەرٸكبايدىڭ ٸسٸ 6 ايدان سوڭ سوتقا جولداندى, دەپ حابارلايدى dalanews.kz "جەتٸنشٸ ارناعا" سٸلتەپ.
جەبٸرلەنۋشٸ تاراپتىڭ ادۆوكاتىنىڭ سٶزٸنشە, پروكۋرور كٷدٸكتٸگە قاتىستى ايىپتاۋ اكتٸسٸن تٷزٸپ, ٸستٸ شىمكەنت قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنا جولداعان. ادۆوكات بۇعان دەيٸن پروكۋراتۋراعا جولدانعان ٶتٸنٸشحات تەك ٸشٸنارا قاناعاتتاندىرىلعانىن مەلٸمدەدٸ. وعان قوسا, قىزدى الىپ قاشۋعا قاتىسقان كٷدٸكتٸنٸڭ تۋىستارى جاۋاپقا تارتىلماعان.
"بۇل اسا اۋىر ساناتتاعى ٸس بولعاندىقتان, مامانداندىرىلعان سوت قارايدى. ٸس كٷدٸكتٸگە قاتىستى ٷش باپپەن جولداندى. ولار - اسا قاتٸگەزدٸكپەن كٸسٸ ٶلتٸرۋ, ستالكينگ جەنە نەكەگە تۇرۋعا مەجبٷرلەۋ بابى. مەنٸڭ وي-پٸكٸرٸم بويىنشا كەلەسٸ اپتادا ەڭ العاشقى سوت وتىرىسى باستالىپ قالۋعا تيٸس", - دەدٸ ادۆوكات ايانحان وماروۆ.
مارقۇمنىڭ تۋىستارىنىڭ ەندٸگٸ تالابى - سوت وتىرىستارىن ونلاين كٶرسەتۋ.
"بۇل - كٷدٸكتٸنٸڭ جازادان سىتىلىپ كەتۋٸنە مٷمكٸندٸك بەرمەيتٸن بٸردەن-بٸر قۇرال", - دەيدٸ نۇراي سەرٸكبايدىڭ جاقىندارى.
ولار كٷدٸكتٸ ٶمٸر بويىنا سوتتالۋىن تالاپ ەتٸپ وتىر.
