Nur-Sultan qalasy ákimdiginde áleýmettik investjobalar talqylandy
Kezdesýde meditsina, bilim berý, sport jáne ózge de salalardaǵy keleshegi kemel jobalar jurtshylyq nazaryna usynyldy.
Investordyń aitýynsha, meditsinalyq uiym qyzmetterdiń tolyq spektrin kórsetetin bolady. Mekeme bazasynda zerthanalyq-zertteý ortalyǵy ornalasady. Bilim berý salasyndaǵy 5 jeke investjoba 5 myńnan astam oqýshyny jańa oqý ornymen qamtýǵa múmkindik beredi.
Sonymen qatar mektepke deiingi mekemeler 600-den astam jańa oqý ornymen qamtylady.
– Memleket basshysy investitsiialyq áleýetti arttyrý, ásirese bilim berý júiesine investitsiia tartý jumystaryn jandandyrýdy tapsyrdy. Biz qoldaǵan jobalar jańa jumys oryndaryn ashýǵa múmkindik beredi. Investorlar nátijelerin kórsetip, óz jobalarymen jumys isteýleri tiis, – dedi Altai Kólginov. Sondai-aq, keńeste jabyq fýtbol alańyn salý jobasy qaraldy, barlyǵy 9 investitsiialyq joba qoldaý tapty.
