كەزدەسۋدە مەديسينا، ءبىلىم بەرۋ، سپورت جانە وزگە دە سالالارداعى كەلەشەگى كەمەل جوبالار جۇرتشىلىق نازارىنا ۇسىنىلدى.
ينۆەستوردىڭ ايتۋىنشا، مەديسينالىق ۇيىم قىزمەتتەردىڭ تولىق سپەكترىن كورسەتەتىن بولادى. مەكەمە بازاسىندا زەرتحانالىق-زەرتتەۋ ورتالىعى ورنالاسادى. ءبىلىم بەرۋ سالاسىنداعى 5 جەكە ينۆەستجوبا 5 مىڭنان استام وقۋشىنى جاڭا وقۋ ورنىمەن قامتۋعا مۇمكىندىك بەرەدى.
سونىمەن قاتار مەكتەپكە دەيىنگى مەكەمەلەر 600-دەن استام جاڭا وقۋ ورنىمەن قامتىلادى.
– مەملەكەت باسشىسى ينۆەستيسيالىق الەۋەتتى ارتتىرۋ، اسىرەسە ءبىلىم بەرۋ جۇيەسىنە ينۆەستيسيا تارتۋ جۇمىستارىن جانداندىرۋدى تاپسىردى. ءبىز قولداعان جوبالار جاڭا جۇمىس ورىندارىن اشۋعا مۇمكىندىك بەرەدى. ينۆەستورلار ناتيجەلەرىن كورسەتىپ، ءوز جوبالارىمەن جۇمىس ىستەۋلەرى ءتيىس، – دەدى التاي كولگىنوۆ. سونداي-اق، كەڭەستە جابىق فۋتبول الاڭىن سالۋ جوباسى قارالدى، بارلىعى 9 ينۆەستيسيالىق جوبا قولداۋ تاپتى.
