Partıa Tóraǵasynyń Birinshi orynbasary Baýyrjan Qydyrǵaluly óz paraqshasynda aldaǵy mindetter týraly baıandady. «Partıamyzdyń depýtattyq korpýsy alǵashqy kúnnen bastap saılaýaldy ýádelerdi iske asyrýǵa kiristi. Bizdiń saılaýaldy basymdyqtarymyz «Halyq únine qulaq asatyn memleket» tujyrymdamasyn iske asyrý aıasynda halyqpen, onyń ishinde shalǵaı eldi mekender turǵyndarymen jan-jaqty talqylaý qorytyndysy boıynsha qalyptastyryldy. Tek praımerız barysynda ǵana biz azamattardan 20 myńnan astam usynys jınadyq. Budan bólek úgit-nasıhat kezdesýleri kezeńinde taǵy 42 myńnan asa amanat tústi. Olardyń 65%-ten astamy aımaqtyq baǵdarlamalardy bekitý kezinde eskerildi. Elbasy, partıa Lıderi Nursultan Nazarbaev aıtqandaı, «Nur Otan» depýtattary árbir óńirde, qala men aýdanda barlyq saılaýaldy mindettemelerdiń oryndalýyna júıeli baqylaýdy qamtamasyz etýi tıis», – dedi B.Qydyrǵalıuly.
Túrkistan oblysy boıynsha da 17 saılaýldy baǵdarlama ázirlendi. Árbir aýdan, qalanyń óz jospary bekitildi. Jol kartasy ázirlenip, depýtattarymyzben tıisti jumystar júrgizildi. Biz árbir aýdan, qalanyń ózekti problemalaryn saraptap, ony baǵdarlamaǵa engizdik. Úgit-nasıhat kezeńinde Túrkistan oblysynyń saılaýaldy shtabtarynyń qoǵamdyq qabyldaý bólmelerine turǵyndardan 2256 usynys pen amanat kelip tústi. Onyń 21 paıyzy áleýmettik qoldaý, 14,5 paıyzy turǵyn úı-kommýnaldyq sharýashylyqqa qatysty. Sonymen birge usynys-tilekterdiń 14 paıyzy turǵyn úı jáne jer máselesin kóterse, jumyspen qamtý máselesi boıynsha da amanattar kelip tústi. Usynystar men amanattar partıalyq baqylaýǵa alyndy. Onyń birazy saılaýaldy baǵdarlamaǵa engizilgen.
Endi biz osy baǵdarlamalardy júzege asyrý boıynsha naqty isterdi qolǵa alamyz. Búginde Túrkistan oblystyq máslıhatynda «Nur Otan» partıasynyń 37 ókili bar. Bizdiń fraksıa basym daýysqa ıe ári osy senimniń quny joǵary ekenin tereń túsinedi. Jalpy oblystyq, aýdandyq jáne qalalyq máslıhattardy qosqanda oblysymyzda «Nur Otan» partıasy 320 mandattyń 80 paıyzyn, ıaǵnı 263 oryndy ıelendi. Túrkistan oblystyq máslıhatyndaǵy «Nur Otan» partıasy fraksıasynyń quramy 60%-ke jańardy.
El Prezıdenti Qasym-Jomart Toqaev «Ózgerister joly: Ár azamatqa laıyqty ómir!» saılaýaldy baǵdarlamasyn tanystyrǵanda bizge naqty mindetter júktedi. Baǵdarlamany oryndaý – nazarymyzda. Aldaǵy 5 jylda Túrkistan oblysyn 7 baǵyt boıynsha damytýdy josparlap otyrmyz.
Olar:
- Ekonomıkalyq turaqty aımaq;
- Jaıly aımaq;
- Áleýmettik baǵdarlanǵan aımaq;
- Jastarǵa arnalǵan aımaq;
- Mádenıeti men tarıhy baı aımaq;
- Ashyq jáne esep beretin jergilikti organdar;
- Qaýipsiz aımaq.
Óńirde týrızmdi damytý arqyly týrıser sanyn 1,5 esege kóbeıtý, ıaǵnı, 2 mıllıonǵa jetkizý josparlanǵan. Ol úshin túrkistan qalasy men óńirdegi ózge de týrısik nysandarǵa qoldaý kúsheıedi. «Nur Otan» partıasy 2025 jylǵa deıin 124,9 myń jańa jumys ornyn (jylyna orta eseppen 24,9 myń) ashý mindetin qoıady, onyń ishinde 67,5 myń turaqty. Nátıjesinde oblys boıynsha ortasha jalaqyny 149,4 myń teńgege deıin arttyrý josparlanýda. Kásipkerlik pen aýyl sharýashylyǵyn damytý baǵytynda da júıeli josparlar bar. Óńir jurtshylyǵyn sapaly jol men taza aýyz sýmen, «kógildir otynmen» qamtý máselesi de basty nazarymyzda bolady. Nurotandyqtar ózderine júktelgen jaýapkershilikti biledi jáne osy baǵytta jumys júrgizedi. Árbir depýtatqa tıisti tapsyrma berilip, jumys jospary túsindirilgen. Halyq qalaýlylary jergilikti atqarýshy bılikpen birge el senimin aqtaýǵa bar kúshin salady.
Beısen TÁJİBAEV, «Nur Otan» partıasy Túrkistan oblystyq fılıaly tóraǵasynyń birinshi orynbasary, oblystyq máslıhattaǵy fraksıa jetekshisi.
